السلام عليكم وعيدكم مبارك
طبعا حبيت ابشركم طلعت النا موافقة الاسكان من قبل اسبوع تقريبا والحمد الله بعد تقريبا 8 سنوات من الانتظار
المهم الحمد الله والشكر
بس حبيت اطلع على نماذج مخطط لبيت طابقين ويكون جميل وطبعا مب وايد عود لانه مساحة الارض 100 * 100 يعني بيطلع زعنطوطي
المهم .. ادريبكم ما بتقصرون بس بقولكم بغيت ايكون
* اربع غرف فوف
* تحت غرفة طعام-مجلس- مطبخ – غرفة ضيوف وخدامة والصالة
اهم شيء الصالة تكون مستاسعة
ياالله شدو الهمة واللي عنده نصايح يضيفها قبل البناء
واذا في عندكم استشاري ومقاول مضمون يخلص الشغل بسرعه دلوني عليه بس ايكون في عيمان
وكم المدة اللي بيخلص فيها البيت 
ابا اسكن بسرعه
القرض 500 الف وطبعا الباقي على عمي البنك
ومشكورين
مبروك أختي
بس ليش القرض 500000 أحيد انه مليونين !!
تكلفته 1750000 طبعا هالسعر بشهر نوفمبر 2007 …أنا وقعت العقد من وقت وعطيتهم مقدم 350000 ألف… وباشرو بالبناء فبراير 2008 بعد ما هدمنا البيت القديم…
الطابق الارضي يتكون من:
مجلس
مطبخ مفتوح (كاونتر)
غرفه ماستر
صاله مرتفعه دري واحد…
صاله مفتوحه
الطابق العلوي
5 غرف نوم وصاله …البنتري(المطبخ) كنسلته….
الملحق
مطبخ
غرفة خدامه
غرفة غسيل
مخزن
غرفة ضيوف
المخططات الي عندي حاليا موب صور عاديه ..لازم تفتحينهم ببرنامج خاص بحاول أحولهم لصور و بطرش لج….
الله يبارك في حياتج ومشاء الله اتصدقين تبارك الرحمن امبين عليه فخم بيطلع
انزين كم تكلفته وكمن غرفه فيه واذا ما عليج كلافه جان بطرشين رسم المخطط من الداخل ودي القي نظره عليه والله كفيتي ووفيتي اختي الغاليه
شو رايج في هالتصميم اذا عاجبج ..راح أطرش لج المخططات…
البيت مبناي على أرض 100*110
الله يبارك في حياتك وعقبالك ان شاء الله اذا بعدك في قائمة الانتظار