اخواني وخواتي
اذا حد عنده معرفه كيف الجو في خصب يا ليت يفيدني
هل بارد واايد يعني يباله جاكيتات وملابس شتويه ثقيله ولا عادي برد خفيف؟؟؟
شو نشل معانا للحدود من غير الجوازات ؟؟؟
سيارتي مدعومه عادي بيطوفوني ولا لا؟ وسيارتي باسم اخوي بيطوفوني ولا لازم اخوي يكون ويانا ؟
ويطوفون سيارات الاجار ولا لا؟
وكم ساعه الدرب من دبي لخصب؟
في اماكن معينه حلوه تنصحونا نروح لها هناك ؟
ردوا عاد مب تلبسوني … فالحين بس تردون على ناس و ناس …عيب والله
(( اكتشفت اني لازم اضارب و اطول لساني او استوي سخيفه عشان يسوون لي سالفه و يردون علي ))
يلاااااااااااااااااا ردوا قبل لا اعصب ويطيح البوكس
وقد اعذر من انذر
تسلمون اخواني على المعلومات
ولين الحين ما عرفت وين مكان الفندق اللي حجزنا فيه
الظاهر انه في قدى مب في خصب نفسها….يلا مب مشكله كله يودي
اهم شي نغير الجو ونستانس بالطبيعه الخلابه
…
اخوي كم تقريبا قيمة التأمين عشان نسوي احتياطاتنا
عند الحدود لازم تسويين تأمين على السياره. عشر أيام أو سنه. مايشوفون السياره بس يسألون شو نوعها وموديلها.
وازيدج من معلوماتي انه سيارة الايجار ماتظهر من الحدود
السلام عليكم ورحمة الله وبركاتة ،، كل عام وانتم طيبين وعيدكم مبارك ،، اختي العزيزة انا ساير مرتين خصب ، منطقة سياحية ممتازة والشارع اسفلت ولا فية اي مشكلة ولله الحمد بس اذا بتسيرون سيرو في النهار احسن وفية منتجع جميل فوق اليبل تقريبا والبحر محيط بة من 3 جهات اسمة جولدن رقم التلفون 00968830777 ،، تسيرون وترجعون بالسلامة .( ملاحظة بالنسبة للمعلومات عن العبور ما قصر بن دبي قالها كلها ومشكور وجزاه الله خير ))
واااااااااااي شفت الدرب في الجوجل ايرث خبال بس يخوف