الســــــــــــــلام عليكم ورحمـــــة الله وبركاتــــه
اولا نحمــــد الله على هذي النعــــم الكثيره والمنــــح العظيمــــه
الموضـــــوع يا أخوانـــــي وأخواتـــــــــي الموضوع من العنوان
“تـــــم احالتي للتقاعد” في ســــن لم اتجاوز الــــ 30
والمسموح بــــه هو العمــــل في الدوائـــــــر الخاصــــــه
في فترة السنتــــــــــــــين القادمــــه من ثم لامانع لديهم
من العمـــــــــــل في الدوائـــــر الحكوميــــه بعد السنتين
ملخص عني
خريـــــــج دبلوم عالــــي هندســـــه طيران من سنة 2006
ولدي شهادة ايلس بمعدل 6 في سنــــة 2008
والحين ادور على عمل مناسب بس اكثر شركات الطيران حكوميه
وادور حاليا اي مكان خاص امشي حالي فيه لين السنتين يخلص
وبعديـــــن يصيــــــر خيـــــــر بإذن الله عز وجـــــــــل
فـــ شو تنصحوني اسوي حاليـــــا
وحاولت أكمل دراستي بس أكثر الجامعات امريكيه
فما يعادلون مواد نفس الناس او حد منهم يقول عيد من اول!!
والسموحــــه على الإطــــــاله
حيهم بالشياب
وانا بعد دوروولي شغله
السؤال كيف قاعدوك وشو سبب التقاعد؟ صراحه مستغرب كيف قاعدوك هل عندك اسباب طبيه لا سمح الله.
الله يعينك ،،،اتذكر انه مصرف ابوظبي الاسلامي يحتاج لموظفين
موفق بإذن الله … لك مني أجمل تحية .
أنا ملّيت من الشغل، أبا أتقاعد.
اولا – مبروك على التقاعد اخوي …وما ادراك لعل الامر يحمل وراءه الخير الكثير لك .
ثانيا –
اترياك علخاص عشان تخبرني بالخلطه السحريه اللي يابت لك التقاعد 
هههههه… سوالف عن تزعل .
ثالثا – اظن ان شركة الخليج لصيانةالطائرات(جامكو) من انسب الاماكن لتخصصك.. ومقرها الرئيسي بابوظبي .
بالتوفيق يلحبيب .