rمرحبا بالجميع ..
اليوم بعرضلكم شي حلو وغريب…
انا سويت هاي البراقع وابصراحه لاقت اقبال كبير وااايد برع المنتدى قلت بجرب وبعرضه في المنتدى بشوف شو رايكم فيه ..انا عندي هذا بس لانه كلهن ابتاعن لكن اذا فيه طلبيه منه خبروني وانا بفصل منه.

طبعا خياطة البراقع رهيبه لانه افصله عند واحد خبير في التفصيل من 15 سنه ايفصل للحريم هذا من ناحية القصه لا تتخبرين روعه ..اما بالنسبه للكرستال انا احط الوان عندي الابيض الكرستالي وعندي الوردي وعندي العشبي وعندي الرمادي ..يعني انتي اختاري اي لون تبين وانا حاضره..

وابري ذمتي انا افصله للحرمه الي تكشخ حق ريلها مثلا عندها ليله خليجه وتزقرتبه او للمعاريس بس شرط لا اتخلون اريايل ايشوفونكم عشان ما استأثم انا ..يعني انا ما ايخصني اذا حد من الريايل يلس ايبصبصون فيكم ..

بالنسبه لصوره اتراها مول مب واضحه هو في الطبيعه يبرق لكن التصوير رديئ …قيمة البرقع 45 درهم فقط لا غير….

يالله يا راعيات ابوظبي والعين والعوير والخوانيج شدن حيللك
التوصيل عن طريق امبوست 20 درهم لآي مكان تبينه في الامارات

اقول كل وحده تدخل اتسلم عليها حليلها ..واسمحولها ويهه خايس بقم من كثر البراقع الي تلبسهم [/color]

15 thoughts on “بــــــــــــــرقع امــــــــــــــــــــــــاراتي ما عليه كلام”

  2. اختي هذا الكلام كبير اذا كان عندج سهل فهو صعب عليه نار جهنم محد يستهينبها وخاصه ما ايبونا طاريها في البيع والشراء..وبعدين كل شي له ناس انا راده على اختي banoota ما كان لج

  3. لا فديتج ما قصدتج هههههههه انتي اتقولين كل شي له ناسه وانا قلت نار جهنم بعد له ناسه .. والجنه بعد لها ناسها >>>>>> لا تزعلين اموااااااااااااااااح على كشتج

Comments are closed.