rمرحبا بالجميع ..
اليوم بعرضلكم شي حلو وغريب…
انا سويت هاي البراقع وابصراحه لاقت اقبال كبير وااايد برع المنتدى قلت بجرب وبعرضه في المنتدى بشوف شو رايكم فيه ..انا عندي هذا بس لانه كلهن ابتاعن لكن اذا فيه طلبيه منه خبروني وانا بفصل منه.
طبعا خياطة البراقع رهيبه لانه افصله عند واحد خبير في التفصيل من 15 سنه ايفصل للحريم هذا من ناحية القصه لا تتخبرين روعه ..اما بالنسبه للكرستال انا احط الوان عندي الابيض الكرستالي وعندي الوردي وعندي العشبي وعندي الرمادي ..يعني انتي اختاري اي لون تبين وانا حاضره..
وابري ذمتي انا افصله للحرمه الي تكشخ حق ريلها مثلا عندها ليله خليجه وتزقرتبه او للمعاريس بس شرط لا اتخلون اريايل ايشوفونكم عشان ما استأثم انا ..يعني انا ما ايخصني اذا حد من الريايل يلس ايبصبصون فيكم ..
بالنسبه لصوره اتراها مول مب واضحه هو في الطبيعه يبرق لكن التصوير رديئ …قيمة البرقع 45 درهم فقط لا غير….
يالله يا راعيات ابوظبي والعين والعوير والخوانيج شدن حيللك
التوصيل عن طريق امبوست 20 درهم لآي مكان تبينه في الامارات
اقول كل وحده تدخل اتسلم عليها حليلها ..واسمحولها ويهه خايس بقم من كثر البراقع الي تلبسهم [/color]
شو تم على حاله كل شي اتغير…بس طبعا بيتم الاصل ثابت ولا احنا انحط البهارات عليه بس
ماشالة واللة حركة حلوة
بالتوفيق
قلنا العبايات …. سووهن مخصرااااااااااات ورسووماات ومال اول …. لا مخصرة ولا شي ..
والحيين تسوون براقع عليهن لمااااااااااااعي …؟ الله يعين اللي ياي ..
بتوفيق اختي
عيل انا بخترع برقع بدون ختم
و براويكم
(^_^)
…
ماشي تبغين برقع لازم يعطيج ختم على الويه