السلام عليكم ورحمة الله وبركاته
اليوم جايبتلكم أكلة البيبـــــــــي بلح ( ولد بلح الشام )
والسموحة من أهل الشام لبعض التحريف …. في الشكل
أو الطريقة
والسموحة من أخوانا وأخواتنا اللي مسوين رجيم
بـــــــــــــــــــــــيبي بلح الشام
المقادير ______ 2ك طحين كويتي __ 1 ك ماء __ نص ك زيت __ 6 بيضات __ 1 م فانيليا __ 1 م خل أبيض
طريقة العمل….. خطوة بخطوة نضيف الماء والزيت ع النار ونخليه يغلي بعد الغليان نضيف الدقيق
ونحرك مثل العصيدة بالضبط
نترك العجينة تبرد تماما عشان نضيف البيض
نضيف البيض حبة حبة ثم نضربها بالخلاط لين اتخلص الست بيضات
نضيف الخل والفانيليا ونخلطها خلط نهائي استعدادا لوضعها باالأقماع
نعبي العجينة بالأقماع ….. قمع المسدس للبيبي بلح …. والقمع القماش للبلح الكبير
نقلي البلح في زيت غزير ع نار هادية مع التحريك المستمر لين تصير
ذهبية اللون
ذهبية اللون
نضع البلح باالشيرة وهو حار والشيرة باردة ويتقلب لين يشرب شيرة ويصفى
يغلف عشان ماينشف ويوضع باالثلاجة لوقت التقديم
أخير ………………………… حياكم والسموحة منكم
وأتمنى تكون سهلة ….. ومن ناحية الطعم لذيذة جداً والطريقة مضمونة للي بتجرب
والله يجعل أيامكم كلها حلا
مايحـــــــــــــلى إلا باالليل
الله يسلمك رحااااالوه
شو ها لازم علي اخر اليل متعرفين تحطين الموضوع الصبح
سلامت يداكي مونليكس
جــــــــــــــــربي هالطريقة ….
وجربي القمع المسدس
وحمي الزيت كويس وقبل اتحطينه ب 5 دقايق خففي النار عليه وقت التشكيل
وارفعيها اشوي وارجعي خففيها وحمسيه مثل القهوة نظام تحريك لايظل واقف
بالزيت ……….. بس يستاهل التعب
وراح تدعين لي
انزين طرشي صوبي