ياجماعة الخير أنا عزمت أخذ البورش كايين Gts واليوم رحت الوكاله وشفت الموتر والصراحه ماعليه كلام واسعاره تبدأ من 272 ألف فل أوبشن والشي الي مخلني أتردد هو التسليم قالولي شهر 12 وبصراحه أشوف عشر شهور وايد ولا شو رايكم….؟؟؟؟؟ شو رايكم فالسعر والموتر بشكل عام
(((((أتمنى أشوف أرائكم ومتأمل فيكم كل خير ان شاء الله))))))
متطلبات الحجز =
*صورة جواز السفر
*صورة اليسن
*عربون مقدم 10000 ألاف درهم
أنزين أخوي حركات لو خبرتني شويه عن مواصفاته واستعماله بشكل عام…
(وتسلم ع المرور)
ربي يوفقك ان شاء الله
ويعطيك خير السياره ويكفيك شرها
المووتر ماعليه كلااام
بس مشكلته انه يتاخر فالوصوول
يعني الواحد يحجز الحين يووصل شهر واحد ع السنه اليديده
أخيرا حد رد علي خخخخخخخخخخخخ مشكـور أخوي نورث ستار ورايك على عيني وعلى راسي بس المشكله خلاص الموتر دخل المزاج وتسلم مره ثانيه…..
يا خوي انا ما عندي بورش ولا اعرف زينه من شينه
بس والله اني لك ناصح
البورش كايين اولا مب سيارة بر و off road واذا غلطت وسرت البر معناه بتصلح في السياره بالالاف
ثانيا قطع البورش غاليه وايد يعني مب موتر عملي وصيانته محد يعرف الها الا الوكاله وعلى حد علمي المهندسين اكثر ناس يبحثون عن العمليه
ثالثا التامين على السياره ما بيكون اقل عن 20 الف وهذا في حد ذاته اسراف وتبذير ماله داعي ، يعني لو خذتلك فتك ولا استيشن ما بتكلفك صيانته في الوكاله لمده 4-5 سنوات مبلغ 20 الف
فشوري لك انك تستهدى بالله واذا عندك هالمبلغ خذ لك فتك ولا استيشن وفوق هذا راحة البال
وانت تختار