تجي نوهم خناجر هـ الجفا بْوعـود كذابه؟!
تجي مره انتلاقا ابلا وعد أو أسأله وعتاب؟!
“مدام ْيلفنا صمت المكان ومغلق ابوابه”!!
الين اسأل: تفارقنا ؟!! تصيح الـ(آآآه) :يا كذاااااب!!!
كذا وبْلا شعور اذكر فؤادي… يوم تحيا به
على طاري الفراق اللي ذبحني !! كيف جرحك؟!! طاب؟!!
لأنـــي مــا قــدرت انـسى مـــلامــــــح كلمة : اشقى به
لاني من زمن انزف سؤال الناس والاصحاب:
تفارقتوا؟!! غريبه ؟!! كيف ما تبكي من غيابه ؟!!
مع اني ممتلي في كل ضلع بداخلي منصاب!!
سوالف كلها تذبح حنيني شوف ====> ( تتشابه)!!
انا ما كنت ابي منك تبدّيني على الاقراب
انا كنت آتمنى ألتقي بفواد وابقى به
خطا مني فتحت الباب؟!! لكنك فتحت ابواب!!
وضيّفت الوجع في صدري اللي كنت اولى به
تعرف المشكله لو هي على عضه تجي من ناب؟!!
“ابوهب كل حسرات الندم فـ ابهام ..واسخى به”
انا جيتك وباقي في حنايا طعنتك محراب
تصلي لك جروحي مْن الوجع وتصيح : يا يااااااابه
حرام انعيش في نفس الزمن وقلوبنا اغراب
تعال وخل يقول البعد من غيضه : (لقى احبابه)
ترى توي اكتشفت المسأله ماهي وش الاسباب؟!
لان ما يعني الميّت ؟!! اذا بيموت بثيابه
(المريسي)
في نفس الوقت الذي يؤمن بعض الباحثين بأن هناك قوة ما ، خارج الإنسان تستطيع أن تتسلط عليه ..
أو توجهه أو تحرك حياته ، فإن عدداً آخر يرى أن القوة هذه في أعماق الإنسان .. ففي داخل الإنسان
كل القوى .. بل إن الإنسان قادر على أن يجعل جسمه أو عقله منيعاً لكل مافي الدنيا من توتر ..
وهو قادراً على أن يجعل رأسه محطة إذاعة تتلقلى كل الأصوات في هذا الكون ثم يعدلها لحسابه هو ..
فأنت أقوى جداً مما تتصور . وتستطيع أن تجرب ذلك ..
فاللعنه الحقيقة إذاً ألا نعرف ذلك ..
( أنيس منصور )
الأمركه
ياصاحبي عشرين مره قلـت لـك لاتشتكـي
لاتشتكي من جور بقعا والظـروف المنهكـه
دام ان حياتك معركه خلك ذكي .. خلك ذكـي
وأصبر على جور الزمن. تقدر تدير المعركه
الي تعود يشتكـي… والله لويبكـي.. بكـي
مايرحمه وقته… ولاتنفـع معـاه البكبكـه!!
ياهيه يلي تلعب ادوار الفقيـد أحمـد زكـي
عمر المقلد ماضبـط ميـه ميـه للماركـه
قد ترتكب اكبر خطاء لـلأن إذا لـم تدركـي
أن ابيض النور اسطعه وأن اسود الليل احلكه
ولاتراهـن ع اختـلاف الحنبلـي والمالكـي
الله واحد والنبـي.. ولكـل مذهـب مسلكـه
أنا لي اسلوبي ولي نهجي وتعـرف مسلكـي
وأنته تبرر بالخفاء حـادث جزيـرة فيلكـه
من المهم اعرف نوايا المخـرج المتأمركـي
مب الأهم اني اشاهـد مسرحيـه مضحكـه
ابتحمل جور وقتي لو يزيـد الكـي… كـي
والعنف العمى ما يؤثر في شمـوخ المملكـه
ماني ضحيه من ضحايا غزو فكري مهلكـي
ولا تأثـرت برسـوم الشاشـه المتحـركـه
اكبر دليل انا مع خفض الرسـوم الجمركـي
دام أن شعوب العالم الثالث أمـم مستهلكـه
ايضا مؤيـد حق(ايتـا) ولقليـم (الباسكـي)
ولاضغينه تنذكر لأسـرة (خـوان) المالكـه
ياللأسف من غير لايدري.. منيـر بعلبكـي
مهد لعصر الأمركه من قبل عصـر الأمركـه
وأن كان ردك ( لتصعلك) يزعيم الأوزبكـي
انا معلم فـي فنـون الشيطنـه والصعلكـه
هذي قوافي مربكه تختم ب(كه) تبدا ب(كـي)
لكن على قول البعض هـذي لـزوم الأنتكـه
لو كانت اشعاري تدل أنـي ذكـي ومحنكـي
المجتمع ممكـن يسميهـا قصايـد (فرنكـه)
ولا النهايه الشعر يبقى حكي ضمـن الحكـي
ماغير انا يعجبني اعقـد قصيـدي وحبكـه
والقصد الأول ولأخير استخدم اشعاري لكـي
أخاطب اصحاب العقـول النيـره والمدركـه
(حسين بن سوده)
مدري ، ولكن كان وُدّي أسمعك
وأجمع لك إحساسي فـ ليلك وأنثرَه
مدري ، ولكن كان وُدّي أجمعك
فـ الشوق / شاطي شوق بي ثم أعبرَه
مدري ، ولكن كان وُدّي أطمعك
يوم القناعة كنز ملـّيت أكثرَه
مدري ، ولكن كان وُدّي أجرعك
رشفة ضما / والعفو عند المقدرَه
مدري ، ولكن كان وُدّي أسرعك
يوم البطا / يعجز شعوري يكسرَه
مدري ، وأشوف الكون كلـّـه يطلعك
وأنا نزولي فيك / ملـّيت أصبرَه
مدري ، ولكن الهوا جاني معك
مدري ، ولكن الهوا لك / ما أكثره
تدرين !! أدري : وُدّي إني أجمعك
لكن شتاتي عاجزٍ فيك أعبرَه
(طلال)
يا صباح الياسمين وياسمينك
علميني وش علوم الياسمين !!!
الصباح اللي تنفس في يدينك
ذاب من كثر اشتياقه والحنين
الله يا اماراتيه
كم أحببت هذه القصيدة
قرأتها مرة واثنين واكثر
شكراً لكِ يا رائعة الحرف
تقبلي كل ودي