بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
عندي بنسبالي كبيرة وشاغله بالي …. أخوي باع سيارة لأحد الأشخاص قبل كم سنه … والريال يتهرب والمشكله السيارة كان عليها ارقام ام القيوين وأم القيوين ماعندهم اوراق مبايعة معتمدة …. انجبر اخوي يسوي ورقة مبايعة مؤقته في احد المعارض … وللأسف الورقه ضاعت والريال يتهرب … من 3 شهور حالياً يوعد اخوي بتحويل السياره بأسمه عقب يقول انه عنده ضروف خاصة عقب يقول بيسافر للعلاج عقب يقول الموتر رسب لأنه في مشكله في القير يقول بصلحها وبرجع اتواصل معااااااااك …… لين آخر فتره قبل اسبوعين اخوي عطاه آخر انذار وقاله إذا مايبت لي ورقة انه السيارة ناجحه من تسجيل ام القيوين عشان احول السيارة بسمك سلمني الأرقام والملكية عشان اشطب السيارة من اسمي … حلو الكلام
ومن يومها والحبيب مايرد على التلفووووووووون
راح اخوي مرور ام القيوين عشان يشطب السيارة ….. قالوا لازم تيب الملكية مع الأرقام …… شرحنا لهم الموضوع وقلنا لهم انه السيارة مسببه لنا مشاكل مانقدر نجدد السيارات الثانية وكل فتره عليها مخالفات وتعاميم بأسم اخوي
قلنا مب مشكله بنرووووووووح نعمم عليه في مركز الشرطة
مركز الشرطة قالووووووووووووا …. هاي قضية مدنية …… لازم تفتح بلاغ في المحكمة بعدم مراجعة المالك
والقهر يوم قلنا اوكي نبغي تعميم على السيارة … قالي وين ورقة المبايعة قلت له ضايعة ……. قال مايستوي تعمم
قلت له سيارتي ومادري وينها كيف مايستوي اعمم ….. قلت له عمم عليها … وأول مابتنحجز السيارة بيطلبوني بروح استلمها وبشطبهااااااا عشان يعرف انه الله حق …… قال مايستوي هذا التعميم
قلت له حالياً مادري وينها وإلي اشتراها يتهرب …… شو اسوي … هاي عباره سرقة .. والموضوع يضرني انا شخصياً باجر لاسمح الله سوى حادث او دعم حد ومات وشرد منو بيتوهق غيري اناااااااااااااااااا
انا أحيييييييد بلاغ عدم مراجعة المالك في المركز مب في المحكمة …
شو الحل برأيكم ….. حاولنا نحلها بشكل ودي عشان مانظلم الريال مافي فايده
بسيطه خخخخخخخ الحل عندي خليه يسير بيت ربيعه و يشل الارقام غصب عنه ومع الملكيه ولا بلغو التعقيب في المرور انهم يضبطون السياره
المصيبه الكبرى …. انه الريال اربيع اخوي …… ويتهرب ومايرد على مكالماته وأخوي راح بيتهم يسأل عنه يقولون والله هو ساكن في شقة مايعرفون وين بضبط لأنه معرس
والمشكلة اخوي أمن فيه لأنه ربيعه ….. ثاني شي ماحب يضيع حق اربيعه لأنه السيارة من نصيبه وهو شارنها … بس هاي من السيارات إلي كانت سكان يمين يعني مال تكسير وخربطااااااان حق البر ….
حتى أخوي سوى حادث ودفعونا تكاليف الحادث كامله … مع انه عندنا تأمين بس الموتر منتهي مانقدر نجدد … اونه بنطلع اذكياء نأمن السيارة بدون تجديد
….. وقت الشرطي قال مدام السيارة مب مجدده التأمين مايغطي الحادث .. حولوها مركز وطلبوا جواز كفاله لين مايحددون المبلغ وندفعه ……. شو رأيك دفعنا قيمة الحادث قد جيمة السيارة إلي بعناها 
وأنا مابغي الموضوع يكبر … أخاف تسوي عداوه بينهم عشان السيارة .. تخيل شافه في مكان برع اسميهم بيتكافخون
أوكي …. بيقولون الملكيه امرها سهل
بيطلبون اللوحات ……. شو بنقولهم ضاعن ……. بيقولون ود الموتر للبحث الجنائي عشان يأخذون البصمات يمكن حد صارقنها … وهل تشك بأحد ……….. موضوع أحنا في غنى عنه
شو هالحظ وياج دوم وانتي في مشاكل مره سياره وارد اشتريتوها وماوصلت والحين هالسالفه
اختي الحذر واجب في هالتعاملات لاتسلمون اي مبالغ او اي اوراق رسميه قبل ماتستلمون المبلغ كامل او البضاعه كامله
اختي تروحون المرور وتطلبون كشف مخالفات مثلا طبعا بيطلع الكشف باسم اخوج لانه المالك وبيظهر كل التعاميم بعد باسمه
تروحون الشرطه وتقولون لهم هذا اكبر اثبات عندنا لان ورقة المبايعه ضايعه والملكيه بعد عند الريال وهو يتهرب يعني سرقه الموضوع
لو قالكم بعد مايستوي سووله طاف وحاولوا تدخلون لاي حد من الضباط او المسؤولين الي اكبر عنه في المرور واكيد بيتفهمون وضعكم ويمكن الريال يطلع حرامي سيايير وعقب اطير عنكم السياره
لو بعد طنشوكم المرور اتصلي حق بوراشد عالهوى صدقيني على طول بيتصل بالشرطه عالهوى بعد مابيقصر وايد مرات سواها بوراشد
بس الله يسامحه اخوج كيف يعطيه الملكيه وهو مايعرفه اصلا..!!!
الله يسهل عليكم ان شالله وتنحل المشكله
الحل برأي كان من البداية لو قال انه الملكية ضايعة و طلع بدل فاقد و عقب شطب السيارة نهائيا كان ريح راسه من اللفة