أنا موظفه بدائره حكوميه ووظيفتي مساعده إداريه
مديري واحد شيبه عمره 50 سنه من النوع اللي يتمايع بالكلام واايد ويدخل عمره بشي ما يخصه
وأنا طبعا كنت صارمه مياه وجديه معاه
في يوم من الأيام كعادتي أول وحده في المكتب كنت طابعه أوراق تخصني أنا شخصيا فدخل هو وشل الأوراق يبغي يقراهم فسحبتم من إيده
فعصب وقال ليش سويتي شي
قلت له أوراق خاصه فيني شان يرد علي لا أونه أتحرى أوراقي فرديت عليه وين أوراقك وأنت توك داخل المكتب
المهم شان يتم يقول أنا ما أبغيج عندي قدمي أستقالتج
ويوم سار مكتبه اتصلبي شان يقولي أكتبي ورقه أستقالتج طبعا رفضت
وفي نفس اليوم يا واحد مراجع عنده فزقرني عشان أصور له أوراق ويوم دخلت عنده المكتب فر الأوراق على الأرض وهو يصرخ طبي هذي الأوراق يالله يالله
طبعا أنا هني فولت ما قدرت أستحمل لأنه هو ما أحترمني جدام المراجع
فقم وقلت له بصوت شوي عالي أنا مب بشكاره عندك أتم تقولي يالله يالله
وطلعت من مكتبه
المهم عقب شوي ياني وكان في ملف ماله على طاولتي فقالي شلي الملف وحطيه على مكتبي
فرديت وقلت له تشوف الملف جدامك شله بروحك وحطه على مكتبك
ومن ذاك اليوم وهو مهمشني يعني قولو المده تقريبا شهرين أسوي الشغل اللي عندي بس في أشياء مرطبته فيه ويوم أسير وأسأله إذا في شي ولا شياته يقول إذا في شي بتصل
وما يرد يتصل ويطرش ايميل لكل الموظفين عشا يحضرون الإجتماعات ما عدى أنا وطبعا أنا احضر
حجزت موعد عند مسأول الموارد البشريه باكر عشان أشتكي عليه
بس ما أعرف أسير ولا لأ
محتاره ما اعرف شو اقول
يا خاي ما احب أسوي مشاكل
أرجو انكم تفيدوني
والله لو هذا كان مديري وسوا جذه فيني أول شي برد لأيام الدراااااااااااسة خخخخخخخخخخخخ
1- بشخبط على السيارة وببنشر توايره كلها
2 – بحطي مسهل في كوب الشاي ماله
3 – بحط رقمه بكل بقاله ودكان وسكه …….. رقم موبايل مميز للبيع ب50 درهم وبكل اللغات هندي وباكستاني وملباري وبنغالي
سوووووااااااااااااااااااااااالف
إذا تبين رأي انا دخلى على رئيس الموارد البشرية مب مسئول الموارد البشرية وخبرية بكل السوالف ولاتوقعى على أي ورقة إستقاله هذا حقج واشتكى عليه ولاتذلي نفسج حتى لو نقلوج لمكان ثاني أنتي نقلوج بكرامتج وراسج مرفوع والساكت عن الحق شيطان أخرس وأنتي واثقه من عمرج أنج ماسويتي شي غلط توكلى على الله ……….وهذا الشيبه يباله عقال فوق ظهره
نفسي أعرف لو بنته هالمدير أستوى لها نفس الشي شو بيكون تصرفه مع المدير….؟
…..
تسلم ومااااااااااااتقصر
اتوكلي على الله واشتكي عليه
لا اتخلينه يركب فوق راسج …
هاالاشكال مول لا تعطينهم ويه ..
عنبو انتي تشتغلين في الدائرة الحكوميه/الشركه
وما تشتغلين عنده
عنبووو هذا 50 سنه وجيه … الله يعينه
حركاته حركات يهال
اطلبي نقل وريحي عمرج !
يعني بينبهونه مثلا، بيحذروه، شو بيسوون ؟ في النهاية بيتم مديرج واحتمال انه يدور عليج غلط عشان ينهي خدماتج او شي من هالقبيل،،،،،
اطلبي نقل لإدارة أو قسم ثاني، وإذا زودها وقال شي وسخ بلغي عليه الشرطة !
لا والله تشتشكين عليه ونص بعد……….
هذا ما يستاهل إلا جيه…………………….
وجان بطوفيلها ……. بسوي غيرها وغيرها………
وقفيه عند حده………….. والي بالجدر بيظهره الملاس……….
وبالتوفيق…………….