أنا موظفه بدائره حكوميه ووظيفتي مساعده إداريه
مديري واحد شيبه عمره 50 سنه من النوع اللي يتمايع بالكلام واايد ويدخل عمره بشي ما يخصه
وأنا طبعا كنت صارمه مياه وجديه معاه
في يوم من الأيام كعادتي أول وحده في المكتب كنت طابعه أوراق تخصني أنا شخصيا فدخل هو وشل الأوراق يبغي يقراهم فسحبتم من إيده
فعصب وقال ليش سويتي شي
قلت له أوراق خاصه فيني شان يرد علي لا أونه أتحرى أوراقي فرديت عليه وين أوراقك وأنت توك داخل المكتب
المهم شان يتم يقول أنا ما أبغيج عندي قدمي أستقالتج
ويوم سار مكتبه اتصلبي شان يقولي أكتبي ورقه أستقالتج طبعا رفضت
وفي نفس اليوم يا واحد مراجع عنده فزقرني عشان أصور له أوراق ويوم دخلت عنده المكتب فر الأوراق على الأرض وهو يصرخ طبي هذي الأوراق يالله يالله
طبعا أنا هني فولت ما قدرت أستحمل لأنه هو ما أحترمني جدام المراجع
فقم وقلت له بصوت شوي عالي أنا مب بشكاره عندك أتم تقولي يالله يالله
وطلعت من مكتبه
المهم عقب شوي ياني وكان في ملف ماله على طاولتي فقالي شلي الملف وحطيه على مكتبي
فرديت وقلت له تشوف الملف جدامك شله بروحك وحطه على مكتبك
ومن ذاك اليوم وهو مهمشني يعني قولو المده تقريبا شهرين أسوي الشغل اللي عندي بس في أشياء مرطبته فيه ويوم أسير وأسأله إذا في شي ولا شياته يقول إذا في شي بتصل
وما يرد يتصل ويطرش ايميل لكل الموظفين عشا يحضرون الإجتماعات ما عدى أنا وطبعا أنا احضر
حجزت موعد عند مسأول الموارد البشريه باكر عشان أشتكي عليه
بس ما أعرف أسير ولا لأ
محتاره ما اعرف شو اقول
يا خاي ما احب أسوي مشاكل
أرجو انكم تفيدوني
شكلج دااومين في الخارجيه شيابهم مب معرسين…عموما راي لا تغلطين غلطت عمري دوومي ساكت ..ومب مستفيد من هالدنيا .توكلي علي الله..واذا رمتي اشتكي عند العود ولا في وسائل الاعلام..وربي يهونها عليج..
انا مع هالكلام 100% وتوكلي على الله
توكلي على الله وقدمي شكوتج حتى لو مافي استجابة يكفي ان عدد الشكوات ضده بيزيد
وانتي موقفج بيكون في السليم لأن حتى لو بلغ عليج ولا حاول انه يأذيج بيكون موقفج اقوى لأن انتي صاحبة البلاغ في الأول
بس حاولي اترتبين امورج وتكتبين الاشياء اللي يسويها واترتبينها قبل لا اتسيرين
واتركي كل شي للخالق
فهو اعلم بالظالم والمظلوم وما عليه استحملي شوية عقب كل شدة بتزول
استغفري ربج واحمديه على كل حال واكثري من قول لا حول ولا قوة الا بالله
وخللج موقنه في استجابة رب العالمين
الله يوفقج
3
المشكله ان غيري أشتكو بس ما صار شي
تسلم على تواصلك الطيب