أنا موظفه بدائره حكوميه ووظيفتي مساعده إداريه
مديري واحد شيبه عمره 50 سنه من النوع اللي يتمايع بالكلام واايد ويدخل عمره بشي ما يخصه
وأنا طبعا كنت صارمه مياه وجديه معاه
في يوم من الأيام كعادتي أول وحده في المكتب كنت طابعه أوراق تخصني أنا شخصيا فدخل هو وشل الأوراق يبغي يقراهم فسحبتم من إيده
فعصب وقال ليش سويتي شي
قلت له أوراق خاصه فيني شان يرد علي لا أونه أتحرى أوراقي فرديت عليه وين أوراقك وأنت توك داخل المكتب
المهم شان يتم يقول أنا ما أبغيج عندي قدمي أستقالتج
ويوم سار مكتبه اتصلبي شان يقولي أكتبي ورقه أستقالتج طبعا رفضت
وفي نفس اليوم يا واحد مراجع عنده فزقرني عشان أصور له أوراق ويوم دخلت عنده المكتب فر الأوراق على الأرض وهو يصرخ طبي هذي الأوراق يالله يالله
طبعا أنا هني فولت ما قدرت أستحمل لأنه هو ما أحترمني جدام المراجع
فقم وقلت له بصوت شوي عالي أنا مب بشكاره عندك أتم تقولي يالله يالله
وطلعت من مكتبه
المهم عقب شوي ياني وكان في ملف ماله على طاولتي فقالي شلي الملف وحطيه على مكتبي
فرديت وقلت له تشوف الملف جدامك شله بروحك وحطه على مكتبك
ومن ذاك اليوم وهو مهمشني يعني قولو المده تقريبا شهرين أسوي الشغل اللي عندي بس في أشياء مرطبته فيه ويوم أسير وأسأله إذا في شي ولا شياته يقول إذا في شي بتصل
وما يرد يتصل ويطرش ايميل لكل الموظفين عشا يحضرون الإجتماعات ما عدى أنا وطبعا أنا احضر
حجزت موعد عند مسأول الموارد البشريه باكر عشان أشتكي عليه
بس ما أعرف أسير ولا لأ
محتاره ما اعرف شو اقول
يا خاي ما احب أسوي مشاكل
أرجو انكم تفيدوني
لا الخارجيه ولا شياته
وتسلم على تواصلك الطيب
أحسن شي تكتبين ألي فخاطرج مثل ماتكتبين في المنتدى
بعدين تقرينه قدامهم حتى هم مايخصهم
ثاني شي لاتخلينه يستفزج خاصه قدام الموارد البشريه بالعكس أنتي أستفزيه
ما أوصيج شخلي مخ الحريم
والله ياعهود
مره عندي في الشغل
سكرتيره مواطنه عند مهندس وافد والله أنه طفربها لين ماقدمت أستقالتها
ليش لأنها من النوع الساكت
ما أنريدج تكونين ساكته حتى لو كان المدير مواطن
يايتعلم يا يقاعدونه
وأن شاءالله بعدين أذا حابه تغيرين مكانج غيريه
والمثل يقول (لحقوق يبالها حلووووج)
شدي حيلج وأتكلي على الله
وخلي المعنويه فوووووووووووووق
السلام عليكم و رحمه الله و بركاته ..
اختي عهود يمكن نحنا كلنا ما نعرف الموضوع كثرج و اكيد اراءنا تعكس فقط الكلام اللي قريناه و الموضوع اللي شفناه .. بس قبل لا تقدمين على اي خطوة سواءا ايجابية او سلبيه فكري عدل و شوفي هل انتي في موقف يسمحلج بانج تتقدمين بشكوى ضد مديرج ؟؟؟ هل انت كموظفه اديتي كل حقوق وظيفتج عليج؟؟ و التزمتي بكل تعليماتها؟؟؟ اذا كنت متاكد كل اليقين من انج اديتي بكل واجباتج تحاه وظيفتج و ما لقيتي بالمقابل المعاملة اللي تستحقينها كموظفة من مديرج بالاضافة الى معاملته السلبية لج انا اقولج توكلي على الله و سيري طالبي بحقج بحيث يوم بتتجابلين وياه عند مسؤول الموارد البشريه ما يكون هو ماسك عليج شيء .. و نحنا كلنا لو بننصح و لا بنشجع ترانا في النهايه ما نعرف من الموضوع الا جانب واحد و هو جانبج و يمكن و السموحه على الكلام .. يمكن يكون في جانب انت ما ذكرتيه و يكون سقط سهوا .. بس مثل ما قال احد الاعضاء و انا اقتبس كلامه .. واثق الخطا يمشي ملكا .. فاذا انت واثقه من نفسج و بانج سويتي اللي عليج توكلي على الله و حقج لو ضاع عند البشر ما يضيع عند الحق سبحانه و تعاله .. و السموحه اختي على الاطالة
تسلم عالتواصل
شكلي بسوي شربات ما قلتي بكتب وبرتب كل شي
تسلمين الغاليه