بلييييييييييييييز ساعدوني

65 thoughts on “بلييييييييييييييز ساعدوني”

1. تعرفين اخت عهود هذه الاشكال ماحد يعطيه ويه يعني اذا بتمي ساكته بيزيد ولا تقولي ما احب المشاكل لان هذه الزمن الطيب ما يعيش وكل يركب فوقه اما اذا واحد مال مشاكل الكل بيحترمه ويتجنبه .. انا كنت نفسج جي واحد دوم يصارخ وجي هذه اسلوبه عنده نقص هذه الشخص عمره 49 سنه المهم اذا اي حد يه يبي يسوي نفسه مسؤول وما اعرف شو ويصارخ المهم انا كنت اسكت يعني ما اشد وياه بالرمسه ويوم من الايام نفذ صبري وتم يصرخ قتله شو عندك على شو تصارخ قال انا الي حاطه في هذه المكان واقدر اطلعك قتله اذا انته ريال صدق سويها والاوراق الي على المكتب عقيتها بويه قال انا بروح على المدير قتله روح وانا اعرف شو بقول للمدير ومن بعدها قال يحترم نفسه . يعني لا تسكتي عليه

   تسلم على تواصلك الطيب

   الله المستعان

2. أحسن شي تكتبين ألي فخاطرج مثل ماتكتبين في المنتدى
   بعدين تقرينه قدامهم حتى هم مايخصهم
   ثاني شي لاتخلينه يستفزج خاصه قدام الموارد البشريه بالعكس أنتي أستفزيه
   ما أوصيج شخلي مخ الحريم

   والله ياعهود
   مره عندي في الشغل
   سكرتيره مواطنه عند مهندس وافد والله أنه طفربها لين ماقدمت أستقالتها
   ليش لأنها من النوع الساكت

   ما أنريدج تكونين ساكته حتى لو كان المدير مواطن
   يايتعلم يا يقاعدونه

   وأن شاءالله بعدين أذا حابه تغيرين مكانج غيريه

   والمثل يقول (لحقوق يبالها حلووووج)

   شدي حيلج وأتكلي على الله

   وخلي المعنويه فوووووووووووووق

   تسسسسلم على تواااصلك الطيب

   على فكره انا استوالي نفس الموقف قبل وفي شركه وسكت وقدمت استقالتي

3. السلام عليكم و رحمه الله و بركاته ..

   اختي عهود يمكن نحنا كلنا ما نعرف الموضوع كثرج و اكيد اراءنا تعكس فقط الكلام اللي قريناه و الموضوع اللي شفناه .. بس قبل لا تقدمين على اي خطوة سواءا ايجابية او سلبيه فكري عدل و شوفي هل انتي في موقف يسمحلج بانج تتقدمين بشكوى ضد مديرج ؟؟؟ هل انت كموظفه اديتي كل حقوق وظيفتج عليج؟؟ و التزمتي بكل تعليماتها؟؟؟ اذا كنت متاكد كل اليقين من انج اديتي بكل واجباتج تحاه وظيفتج و ما لقيتي بالمقابل المعاملة اللي تستحقينها كموظفة من مديرج بالاضافة الى معاملته السلبية لج انا اقولج توكلي على الله و سيري طالبي بحقج بحيث يوم بتتجابلين وياه عند مسؤول الموارد البشريه ما يكون هو ماسك عليج شيء .. و نحنا كلنا لو بننصح و لا بنشجع ترانا في النهايه ما نعرف من الموضوع الا جانب واحد و هو جانبج و يمكن و السموحه على الكلام .. يمكن يكون في جانب انت ما ذكرتيه و يكون سقط سهوا .. بس مثل ما قال احد الاعضاء و انا اقتبس كلامه .. واثق الخطا يمشي ملكا .. فاذا انت واثقه من نفسج و بانج سويتي اللي عليج توكلي على الله و حقج لو ضاع عند البشر ما يضيع عند الحق سبحانه و تعاله .. و السموحه اختي على الاطالة

   تسلمين الغاليه على تواصلج الطيب
   أنا مقصره في الفتره الحاليه من ناحيه الشغل انا وياج بهذا الشي بس هذا ما نتج غير من بعد إهماله وتجاهله
   وحليلي كنت قبل اكرف كرا حتى كانو يسموني في المكتب كبش الفداء
   وهو الله يسامحه ما كان يحشم

   فمثل ما تقولين نتج تمرد من قبيلي
   ورجعت بعدين كذا مره أحاول اصلح الموقف بس ماااااشي فايده ولا عايده

   وسلمتي ولا هنتي

4. سيري طالبي في حقوقك

   وقولي حق الي سايرة عنده

   لإذا ما أخذت حقي ترى بسير للي أكبر منك

   وأنصحك بطلب نقل إلى قسم أخر

   والله يعينك

5. اختي عهووووود

   الناس اجناس

   يعني بتحصلين الطيب والمحترم واللي يحب موظفينه ويحبونه

   وبتحصلين الغبي المينون اللي ما يحس بالناس وكيف انه باسلويه الخايس يضايق ناس معاه في العمل

   المهم

   المهم الحياه حلوه وما عليج منه

   سيري الموارد البشريه وما بيقصروووووون وبيعرفون يحلون المشكله

   بس لازم تفهمين انتي شو مهام عملج وشو لازم تسوين وشو المطلوب منج

   والصبر زين يا عهود

   شوفي شو بيسووون الموارد البشريه

   واذا ما منهم فايده

   في شي اسمه

   الموارد البشريه اللي في المجلس التنفيذي

   بس حاولي تتعاملين بهاي المشكله باسلوب ذكي وان شاء الله خير

   يا عهود

   وان شاء الله في عز حكم بو راشد الله يطول في عمره ما يكون حد مظلوم

   تسلم على تواصلك الطيب
   بس أنا صبرت وايد
   أن شاء الله خير
   وبشوف شو بيصير

Comments are closed.