السلام عليكم
كما يعلم الجميع أنه في الأسابيع الماضية منيت الأسواق العالمية وحتى أسواقنا المحلية بخسارة كبيرة بسبب ما يسمى ب “الأزمة المالية”. طبعا خلال هذه الفترة وتحديدا بالنسبة لي يعني خلال شهر تقريبا خسرت ما يقارب من 700 ألف درهم. والصراحة أنا كرهت سوق الأسهم وناوي أبتعد عنه. وعندي حاليا حدود 500 ألف ومب عارف وين أستثمر فيها.
علما أني كنت تاجر بسوق العملات الأجنبية وحققت أضعاف المبلغ الي مستثمر فيه ولكن بسبب الشبهات التي دارت حول هذه التجارة ابتعدت عنها.
أنا كتبت هذا الموضوع لكي أجد الحل بإذن الله من أخواني أصحاب الخبرة و أستفيد منه ويستفيد منه أخواني المستثمرين في سوق الأسهم. وعسى أن نجد الحل المناسب.
اخوي الموضوع مايحتاج لابورصه ولا اونلان روح سوق الذهب واشتري بارات حسب الوزن والكميه وانت والخير رباعه. واقترح انك تروح قسم المعادن في المنتدى وبتلاقي تفاصيل اكثر. تقبل تحيتي
أنا بشتري الذهب وأشوف إنه أفضل الحلول لكن من وين بشتري؟؟
هل من خلال البروكر يعني الاونلاين؟
ولا عن طريق اليد باليد (يعني سلم واستلم)؟؟
تحياتي وشاكر لك تفاعلك في موضوعي
الله يجزيك خير على هذا الكلام الطيب. أنا اقتنعت قناعة تامة بالإبتعاد عن سوق الأسهم وإن شاء الله بنلقى الحل الأفضل.
تحياتي لمرور شخصك الكريم
اذا لا أنصحك بالاوبشن. واقترح انك تشتري الذهب
اخى الكريم تبغى نصيحتى اطلع من السوق ولو ارتد
على فكرة انا خسران مثلك تعال معاى بنستثمر بشى موجدى وحلال بروح معاك الصين واليابان وبنشترى بضايع فيها فايدة بس لازم ادرس المشروع معاك خل السوق بعيد صدقنى انا اليوم بايع بخساير فوق ماتتصور لعبه السوق اصبحت مثل الغمار او اخس اشويه يعنى محرقه فلوس على الفاضى كل ماتربح اشويه مال خمس شهور تخسر فى خلال يومين هذة المسئله اسمها ضياع الوقت من عمرك كم بيعيش الانسان والله لو الوحد منا فلوسه اللى خسرهم سرفهم على اهله او اخوانه كان احسن من هذة الغمه ارد واكرر خلك بعيد متفرج على السوق ان حبيت تتطالع السوق
وعلى فكرة عندى ملاحظه بنسبه اللى خسرانين فى السوق وبعدة متعلق بسهم اكثر اوقاته يفكرة كم خسايرة لين اليوم واذا نام يهلوس هلوسه الاحلام السوق طالع ولا نازل وكم وصلت اسهمى وحتى فى صلاته والعلم عندة الله ليش عيشنا انفسنا فى احلام مالها وجود غير حرق الاعصاب والتوتر ونفسيه تعبانه على طول نصيحتى لك اخى دورلك شغلك تحس بها امان اكثر وحلال والله يبارك فيك والمعذر من الكل الموجودين مع السلامه