السلام عليكم
كما يعلم الجميع أنه في الأسابيع الماضية منيت الأسواق العالمية وحتى أسواقنا المحلية بخسارة كبيرة بسبب ما يسمى ب “الأزمة المالية”. طبعا خلال هذه الفترة وتحديدا بالنسبة لي يعني خلال شهر تقريبا خسرت ما يقارب من 700 ألف درهم. والصراحة أنا كرهت سوق الأسهم وناوي أبتعد عنه. وعندي حاليا حدود 500 ألف ومب عارف وين أستثمر فيها.
علما أني كنت تاجر بسوق العملات الأجنبية وحققت أضعاف المبلغ الي مستثمر فيه ولكن بسبب الشبهات التي دارت حول هذه التجارة ابتعدت عنها.
أنا كتبت هذا الموضوع لكي أجد الحل بإذن الله من أخواني أصحاب الخبرة و أستفيد منه ويستفيد منه أخواني المستثمرين في سوق الأسهم. وعسى أن نجد الحل المناسب.
انتظر اواخر 2009 وانسى الاسهم
ما شاء الله عليك يا الماستر، حطيت إيدك على الجرح وهذا الي كنت أنا أبغيه.
تجارة الذهب ممتازة جدا بس ما كنت أعرف من وين أقدر أشتري السبايك والمشكلة أنه في فرق المصنعية ودام إني أقدر أشتريه من أبوظبي بدون المصنعية يعني خام فهذا أفضل شيء وإن شاء الله بنبدأ
يعطيك العافية وما قصرت والله يريح بالك في الدنيا والآخرة
بس حبيت انوه لشخصك الكريم ان لو نويت تشتري ذهب اشتر عيار 24 لان ما فيه فرق مصنعيه يعني تشتريه خام ………………….
ويمكن تسير الرميزان في مركز الذهب في بوظبي عندهم شي يسمونه (ايقونه) مكتوب عليها 999 ما يعادل 116 غرام للوحده ……. خذ لك كميه وارقد.
بالنسبه لخسارتك …. اللي فهمته ان كان عندك 1200000 وباقي اللحينه 500 الف صح؟ على العموم الله يوفقك وكلنا خسرنا وربحنا و و و و و ولا تنسى في 2004 كنا صفر درهم ههههههههه
الحمدلله على كل شي.
والسموحه.
مشكور وما قصرت