بنت الشيوخ … ضيفة في كرسي الاعتراف .(يزاها )

29 thoughts on “بنت الشيوخ … ضيفة في كرسي الاعتراف .(يزاها )”

1. السلام عليكم
   مبروك مبروك على الجلوس منو قدج

   الحين شو اسالج شو مممم

   س1 عندج اولاد

   س2 عندج بنات

   س3 منو اقرب وحده لج في المنتدى

   س4 اتعرفتي على وحده من المنتدى واستوت اربيعتج

   س5 عندج ثقه في الناس

   عايشه

   هذي الاسئله العدله مب أسئلة بعض الناس ..

   بنت الشيوخ:

   انا عندي كم سؤال بمناسبة رمضان..

   1. شو أحلى اكلة عندج في رمضان..؟؟

   2. وشو هي الاكله اللي ما تقدرين تقاومينها..؟؟

   3. شو تتسحرين؟

   كل اسئلتي عن الاكل .. تدرين احين المغرب والفطور جريب..

   لحظه ما خلصت فيه أسئله ثانيه بعد ..

   4. شو تخصصج في الدراسة.. ؟؟

   5. شو من الاسهم تملكين في الوقت الحالي؟

   6. شو هو السهم اللي تبين تتخلصين منه في أسرع وقت؟

   7. شو هو السهم اللي تحبينه وما تحسين انه ربحج وايد؟

   وشكرا واسمحيلي على كثرة الاسئلة…

2. 
   والله انها المره الرابعة لي ألحين..كل مااكتب واجمع افكاري علق هالجهااااز ….

   أختي الكريمة

   تحية طيبة …… مغلفة بورد الجوري من اللي قلبج بيحبه …

   1- .. شو ايجابيات المنتديات ..وشو السلبيات ؟

   2- مواضيع تحسينها مهمة ولكن للأسف لاتعرض ؟

   3- أكثر شي استفدتيه من المنتدى الحالي ؟

   4- شريط لايفارق السياره عندج ؟

   5- التغير “” كلمة مجالها واسع .. وين تتمنين تشوفيها ..يعني في أي ناحيه من حياتج ؟

   6- قسم يجب أن يضاف للمنتدى الحالي .. (( أسمه )) ؟

   7- أعضاء تحسين وجودهم مهم بالمنتدى ؟

   8- شاعر أو شاعرة تحبين تسمعين قصايده ؟؟

   9- ماشي الحين في جعبتي أسئلة!! خاطري أخلص أم علي .. وبعدين بفكر …..

   قوافي حاضر وانتي تامرين

   1- .. شو ايجابيات المنتديات ..وشو السلبيات ؟
   ايجابيات المنتدي وااايده وفيه الناس الطيبه الي اتشرف فيهم ..
   سلبيات المنتدي المهاترات وهجوم الاعضاء لبعضهم البعض وهذا الشئ ينعكس علي المنتدي ويأثر فيه
   لاني بصراحه لو مب مشتركه باالمنتدي ومجرد قارئة مابتشجع اني اسجل وياهم اصلا ..

   2- مواضيع تحسينها مهمة ولكن للأسف لاتعرض ؟
   مب مواضيع لاحظت غياب المشرفين واالمدير العام من شكر العضو وتشجيع العضو علي التقدم واالرقي في كتابته وصدقوني هذا بيشجع كل عضو انه يكون مميز ويحاسب علي كل مايكتب في المنتدي .

   3- أكثر شي استفدتيه من المنتدى الحالي ؟
   _ عدم التصديق بكل مايقال من ماوراء الستار..
   _ استخدام العقل قبل اتخاذ اي قرار يمس مستقبلي المالي

   4- شريط لايفارق السياره عندج ؟
   ماعندي شريط مهم وااايد كل شئ يتغير الا القرأن دايم موجود باالسيارة (( العجمي واالسديس))

   5- التغير “” كلمة مجالها واسع .. وين تتمنين تشوفيها ..يعني في أي ناحيه من حياتج ؟
   التغيير مطلوب دايما ولكن اغير اشياء ممكن استفيد منها طبعا .

   6- قسم يجب أن يضاف للمنتدى الحالي .. (( أسمه )) ؟
   ماادري بس عندي كم قسم لو ينضاف زين

   أ-منتدي الشريعة والحياة يهتم .((كل ما يخص الشريعة الإسلامية ))
   ب- منتدي همس القوافي ((يهتم بكل مايختص باالشعر الشعبي واالخواطر والقصائد المسموعة))
   ج_ منتدي اللغة الانجليزية ((جميع المواضيع تطرح باللغة الإنجليزية: ترجمة ، مصطلحات ، تعليم اللغة ، تعريف و نشر الاسلام))

   7- أعضاء تحسين وجودهم مهم بالمنتدى ؟
   لاتعليق

   8- شاعر أو شاعرة تحبين تسمعين قصايده ؟؟

   احب اقري كلمات تدخل القلب صدق وماعندي شاعر معين

   والسموحه منكم

3. السلام عليكم
   مبروك مبروك على الجلوس منو قدج

   الحين شو اسالج شو مممم

   س1 عندج اولاد

   س2 عندج بنات

   س3 منو اقرب وحده لج في المنتدى

   س4 اتعرفتي على وحده من المنتدى واستوت اربيعتج

   س5 عندج ثقه في الناس

   
   هلا الغالية عايشه اتمني انج تكونين بخير وعافية

   س1 عندج اولاد
   ؟؟؟؟؟؟؟

   س2 عندج بنات
   ؟؟؟؟؟

   س3 منو اقرب وحده لج في المنتدى
   طبعا كلهم الخير والبركه بس للحين ماعرفت حد منهم اوكي اوكي

   س4 اتعرفتي على وحده من المنتدى واستوت اربيعتج
   اتعرفت للاخت ام محمد صاحبة الحملة الدينية وماشاءالله عليها انسانه جدا محترمه

   س5 عندج ثقه في الناس
   بصراحه لا مااقدر اثق في اي حد ؟؟

   ونحن حاضرين للطيبين

4. الله يكون في العون حطوكي في راسهم
   خذي اجازه من المنتدى
   

5. لا تحاولون .. ما بترد عليكم..

   عيل هاي اسئله تسألونها البنيه مسكينه.. الا كم عمرج .. وكم طولج وكم وكم..

   بنت الشيوخ ..

   البسي الاسئله اللي ما تبينها وجاوبي على اللي يعجبج.. لووول

Comments are closed.