مرحبا باحلى اعضاء في احلى منتدى ( شي عندها)
اليوم يالسه اذكر شو كنت اسوي يوم كنت صغيره ايام والله يوم كان الشعر كشه وظروس ماشي كراجات وثياب حالتها حاله
المهم بغيت كل واحد يكتب الشي الي كان يسويه يوم كان صغير من ورا اهله
انا ببدا بعمري
شو كنت اسوي يوم احيد محد في للحوي كنت ازحف اشوي اشوي على بطني تحت الدرام واكل صخام 🙂
كانو يدسونه هناك .
وعقب ما خلص اطلع مستانسه واييني كففففففففففف مابعده كفففف الراس يفتر
بتقولون كيف عرفو ويهي يكون اسود من الصخام
وماتبت الا يوم كبرت وعقلت :@
يالله ابدو والله اني متشوقه نفسي اعرف شو كنتو اتسوون
انا لو ماراعي مشاعركم ولا جان قلتلكم عن سندويش الكاكو لووووووووول
وع :heart:
انا سالفتي ماصخه شويه بس شو اسوي
ماشي غيرها حالياً
هي السالفه الا راسخه في راسي وماتبغي تنطوي مع مرور السنين
كان عمري مابين ال5 اي 6 سنوات وكنت اتمشاء مع ربيعي في الفريج اونا زعامه وكان ربيعي يشرب دكسي الجديم !!
حد يذكره؟
مشروب غازي مثل البيبسي والكولا
وكان خاطري فيه ومره اشربص في شعره ومره في مخباه ومره علي ضهره احاول اقنعه عشان يخليلي شويه لاني حافي ومنتف ماعندي دولارات في البوك (اونه)
فكان هو عنده نص حليان مادري كيف قبله راعي الدكان
المهم حاولت بكل الطرق انه مايشربه كله ويخليلي شويه ومنكثر ماحن عليه قالي إنزين صبر باسير في السكه شويه وبعطيك الباقي بس لاتلحقني
وانا مؤدب واتريا بكل امل وطموح تقول واحد يتريا الشمس تشرق لووووووووول
شو سوا الخايس !!!
شرب الكولا كله وبال تكرمون في القوطي لين ماوصله النص
وجان يطلع من السكه مع إبتسامه خفيفه ويوم شفته وشفت نظراته البريئه عرفت ان الدنيا فيها خير….عرفت ان الحياه حلوه والناس بخير
وجان يعطيني الدكسي بكل ثقه لا وقالي بعد يوده عدل لايطيح وانا باطير من الفرحه….شووووووو شويه الدكسي تتحرونه
وجان اخذه واتحداه بعد…وبكل كبرياء اقوله بشربه بيغمه وحده وهو يقول ماتقدر وانا حار في هي الأمور ماتمصخر
وجان اقوله اوكي شوف بس إبتعد عني…اوني ذكي عشان يوم تبقى قطره ماينقز علي وياخذ الكولا
وجان يبتعد خمس خطوات وماقتنعت وحسيت انه ناوي ينقز علي وبيحرمني من أخر قطره..
جان اقوله لا مستحيل….إرجع 10 خطوات وجان يساومني وإتفقنا علي 7 خطوات مما أكدلي نواياه انه بينقز علي
وجان احط القوطي عند بوزي وعيني علي حركته عشان ماينقز علي والخايس يوم شاف القوطي دق براطمي جان يجدم خطوه عشان يوهمني انه بينقز علي بس مافي بوسناد والطمه لاطام …ولا بعد يوم شفته يبغي يجرب جان اركض وانا اشربه شرب وينجب شويه علي الكندوره وشويه علي ويه بس اهم شي عندي اخلصه قبل ماياخذه عني (إنسان عندي عزيمه وإصرار)
وخلصته عنه وجان يطالعني وهو مصدوم..حسيتبه يقول في قلبه(ول مب قحط فيه)
وانا اطوف عداله وأغايضه بعد واجعد في ويه وهو مصدوم …وجان يشرد بيتم وماخبرني وروحت وانا فرحان بالنصر…غلبته…شربته في يغمه وحده…
ومرن السنين وصارحني وذكرني بالموقف وجان نقعد نضحك
قتله انا اقول ليش ماتطلع التجعيده بسهوله لوووووووول