مررحبا
طبعا فوفو واللي هي فولك دبي و اللي هي انا ..واعوذ بالله من كلمة انا
منقهره و معصبه و مستغربه وجايسني صدااااااااع من اللي صار
سلمكم الله سرت وانا طالعه مريت مكينة ATM قلت بسحب خريدات…وانا اجيك على الرصيد انصدمت…
حسابي نااااااااااااااقص
الجماعه تاريخ 1 سحبوا القسط الشهري انا متاكده…ومن بعدها ما سحبت ولا فلس لين البارحه
اتصلت على رقم البنك اجيك على اخر 5 معاملات….
الحبايب ساحبين القسط مرتييين
مره تاريخ 1 و المره الثانيه تاريخ 3 نفس المبلغ!!!!!!!!!!!!!
انصعقت…
الحييين شووو اسوي ؟؟
وحد فيكم واجه هالمشكله؟؟!!! لاني قلت يمكن صارت خربطه مع الكل بسبب اجازة اليوم الوطني
ولا انا بس صارلي جييييه
هلا فولك دبي..
انا واجهت مشكلة ويا بنك الامارات..ولكن بشكل ثاني.
قبل اسبوعين سرت اسحب من جهاز Atm الخاص ببنك الامارات 2500 درهم في مول برجمان..ولكن تعذر الجهاز عن صرف المبلغ لان ما فيه فلوس ووصلي مسج على الموبايل عن وجود خلل فني…الخ وقمت سحبت من الجهاز اللي حذاله لبنك ستاندرد تشارترد نفس المبلغ 2500. وعقيت الرصيدين.
بعد اسبوعين وانا اشيك على حسابي على موقع الانترنت لاحظت انهم خاصمين عني مبلغ 2500 مرتين في ذاك اليوم! استغربت كيف هم مطرشيلي مسج يؤكدون عدم سحب المبلغ وكشف الحساب يبين شي ثاني..المهم طرشت لهم ايميل وردو على لازم اعبي فورم…البارحة رديت عليهم..يالله عاد لين ما يردون الفلوس يبالهم اسبوع…
انصحكم انكم اتشيكون على كشف الحساب اذا وايد تسحبون من اجهزة Atm خاصة لما يعتذر الجهاز عن صرف المبلغ..احتمال كبير يقطعون المبلغ من حسابك بدون ما تدري.
المفنود .. صعبه احول راتبي لانه علي سلفيه في البنك…ما فيني على صدعة الراس
بتصل فيهم الحين بشوف شو سالفتهم
بنك الامارات عليهم حركات مثل هذي … و يوم تراجعين يقولون السستم مغلط .. انصحج حولي راتبج بنك ثاني …والا بتشوفين اكثر و اكثر ..
ان شاء الله ان مسؤولي عطاني اذن خروج بسير
افا عليك مب بس كرك ..بعزمك على براتا و جبن و جبس من مطعم البوارح مع دانقوا بالكمون و الفلفل خخخخ
مرحبا بفولك دبي
الله يعينج
لا تعورين قلبج واااايد
نشي باجر الصبح وروحي بنفسج البنك .. بتعرفين كل شي
وان شاء الله يردوووون بيزاتج وتعزمينا على كرك ههههه