بسم الله الرحمن الرحيم
السلام عليكم ورحمة الله وبركاته
منذ شهر رمضان وأنا لا أستطيع استخدام بطاقة الإتمان ((الفيزا)) الصادرة عن بنك دبي الإسلامي لمشترياتي على شبكة الانترنت أو تجديد أسماء النطاقات ((الدومين)) التي أمتلكها ،وعندما تحدثت معهم أخبروني بأن استخدام البطاقة موقوف خارج الدولة بأمر من المصرف المركزي لجميع البنوك.
والبارحة تحدثت معهم وقلت لهم بأنني سأسافر لخارج البلاد ، فأخبروني بأنني لن أتمكن من استخدام بطاقتي وحتى مواقع الدفع التي في شبكة الانترنت لن تقبل إلا الدفع بواسطة الدرهم!!!
فهل منكم من يواجه هذه المشكلة؟
أما ان دبي الاسلامي هو الذي يطبق هذا المنع فقط؟
ايقاف البطاقة سبب لي مشاكل كثيرة
ان شاء الله بحول لابوظبي الاسلامي حسبي الله
ونعم الوكيل على خدماتهم الي تبط الجبد ..
وعلشان افتحها خيروني لدولتين فقط ولازم اوقع
بتحمل المسؤولية ما ادري هم كانوا يتحملون اول
المسئولية لو انسرقت الفيزا وانا ما ادري سج ادارة
دبي الاسلامي الحالية تنكات
بعد اسبوع راح استلم بطاقة الاسلامي الانترنت
بعد عناء دام شهر وبعد شهر راح اغير بنك الى مصرف ابوظبي الاسلامي
انا الوحيد بين ربعي في بنك دبي الاسلامي فشيلة
يدورون حلول لمشاكل السرقات اللي صارت لكن حلولهم مب حلول واقعية!!!
يعني بدون انذار وقفوا خدمة الشراء من أمريكا اونلاين!!
وحبيت اضيف نقطة للنقاط اللي كتبهن الأخ ضيف الله..
مااعرف عن قسم الرجال لكن عن قسم الجوهره..يقفلون الباب الساعة تقريبا 12 أو 12 ونص..!!!
يعني اللي يبا يترخص من الدوام عشان يسير البنك لازم يطلع قبل هالوقت..أما البنوك الثانية تقفل أبوابها الساعة 2 أو 3..وهالشي يجذب العملاء..
وفي الفترة الأخيرة خدمتهم + معاملاتهم استوت رديئة..
البنوك البديلة = مصرف أبوظبي الإسلامي + مصرف الإمارات الإسلامي..
ويمدحونهم..
والكل بدا يودر بنك دبي الإسلامي..وافكر اطلع منه..
انا شخصيا اشوف انه بنك دبي الاسلامي يهيين عملائه وزبائنه بالقوانيين والقرارات
واليكم بعض الامثله
1- تخفيض قيمة السحب اليومي بدون اي انذار او تنبيه وخاصه للعملاء اللي خارج الدوله واللي ماهم حاسبيين حسابهم بالكاش
2- الادوار الطويله (وخاصه اول الشهر) وتلاقي بعض الشبابيك مغلقه والموظف قاعد
3- لسحب مبالغ اكبر عن 50 الف لازم انك توقف بالدور لين تحصل ورقة السحب اللي مب متوفره الا عند الصرافيين وثم لازم تروح لمدير العمليات لتوقيعها وبعدها ترد للصندوق (وكل مره اقولهم انتو تحقروون من قيمة العملاء بهذه الطريقه)
4- ذهبت لافتح حساب لبنتي الطالبه فقرر مدير العمليات والفرع اننا غير محتاجيين لحسابات ( قاصر ) ةعندما اشتكييت ما احد رد على الشكوى
هذا البنك اغسل ايدك منه لانه اصبح يسيء للاسلام
مشكوور على الموضوع الجاد والهادف
انا الاسبوع اللي فات سكرت حساباتي عندهم .. بنك هنود والله العظيم .. معامله سيئه وهاتف عادي كل ماتتصل تدفع فوق العشر دراهم بس أستفسارات بسبب تأخير معاملاتهم .. بنك فاشل من جميع النواحي .. فتحت حساب في أبوظبي الإسلامي والحمدلله .. وايد وايد أحسن وحسيت بالفرق من أول أسبوع .. إهتمام وسرعة إنجاز وسهوله في التعامل ..