يتصلون فيكم ويعرضون عليكم قروض باقل نسبة فوائد شهريه 1.2%
يقولولك ما يحتاي يكون عندك شهادة راتب ولا رساله من الدوام ولا كشف حساب ولا اي ضمان غير شيك وكريديت كارد من عندهم اموقع باسمك.
يعطونك قرض اضافي على بطاقة كريديت كارد
مثال
اذا نسبة الحد الاقصى بالنسبه للكريديت كارد 30000 يعطونكم مبلغ اضافي يساوي 57000 درهم
اذا سالتهم كم نسبة الاقساط الشهريه على 48 شهر يقولوك = 1674
بس يوم تستلم الكشف حساب اتشوف التالي
القسط الشهري = 1674
درع الائتمان = 374 ما يخبرونكم شيء عن هالمبلغ غير عقب ما يظهر كشف الحساب
يعني شهريا = 2021
يعني استلمت 57000 ولازم اترجع 97032
للاسف الشديد البنك وطني
مرحبآ السآع
دام سكرت الي عليك وعندك ورقه تثبت هالشي
اذا هالرسائل توصلك عن طريق الخطأ
بعض البنوك عندها نظام {مخرف} ان صح التعبير
يطرش رسايل للعملاء حتى لو تم اغلاق حسابهم لدى البنك
اذا انت حاس ان الرسايل مضايقه بك تقدر تتصل بالبنك على رقمهم المجاني Call Center وتبلغهم بهالمشكله
وبيتم حلها بإذن الله
ومايحتاي تحاتي دام عندك شي يثبت انك انهيت موضوعك بالكامل مع هالبنك
والله يوفجك
>> مب كاني خذت راحتي ف الموضوع .. الظاهر راعي الموضوع بيجتلني ههههههه
<< اسولف اسولف خخ
انا الي لاحظته ان الغلط من العميل لانه يكون على جهل وما يعرف لابسط الامور بس عقب يتعلم ومايسال عن شي حتى واحد من الشباب كان ماخذ قرض سالته عن النسبة قالي ما اعرف سالته عن الفايدة قالي ما اعرف ؟بس وحليله شاطر في التوقيع على اوراق القرض ومستانس وايد لانهم عطوه ساعة يد ومسجل استيريو ؟؟؟وماخذين عنه فايدة تقريبا 80 الف درهم؟؟؟
في مصرف من المصارف الإسلاميه ياخذون على بطاقه الفيزا العاديه 700 درهم سواء اشتريت ولا لا
واذا بغيت الذهبيه تدفع 3000 وهالمبلغ ياخذونه كل 3 اشهور
بغض النظر سواء البنك اسلامي ولا ربوي
كيف فيزا او ماستر اتكون ابتعامل اسلامي؟
الشركه امريكيه وما عندهم قسم اسلامي
رسالة الى الجميع : الرجاء من الاخوان يالي مقبلين على أنهم ياخذون بيزات من البنك القرض الشخصي بانهم يسالون عن التفاصيل بشكل دقيق لانه في بنوك تعطي 500 الف وتاخذ نسبة 11.75 تعرفون كم تقريبا أكثر من500 الف
شو اسم البنك اخويه؟