السلام عليكم
الواحد شو يقول عشان يقول
شوارع مكسره من سنين وماحد شافلنا حل !!
اهالي منطقه شرق 11 من 15 سنه على الاقل وهم يشتكون وفي الاخير نقلوهم الى مناطق ثانيه
الشركات الي تشتغل على مد الكابلات .. مخليه الحفر مفتوحه من 8 شهور على الاقل وعيالنا كل يوم والثاني متعورين
الشوارع فالمناطق السكنيه شبه مظلمه (( ماشي اناره ))
مطبات 50 متر الواحد من يطلع فوقها تحك سيارته (( يبالنا فورويل ))
من تمطر تعال شوف المستنقعات المائيه اسبوع كامل وما تقدر تغسلك موترك او تمشي فالشارع الى وملابسك متوصخه
وغيره وغيره وغيره الكثير
الى متى هالأهمال !!
لو هالشي قدام بيت الوزير .. هل راح نشوف هالاهمال ؟؟
شكرا أخوي المجنون على مداخلتك الطيبه ..
بس أنا عندي تعقيب بسيط .. إذا كانت الدراسة للشوارع بس (وهذي مشكلة من مشاااكل كثيرة في المنطقة) صارلها أكثر من 4 سنوات في أدراج المدراء .. 4 سنوات بس للاعتماد !! حشا من شوارع هذي .. تخطيط مدينة طوكيو ؟؟ أبشرك أخوي .. الاوراق كلتها الرمه
.. عيل التنفيذ والانتهاء من المشروع يمكن يباله 20 سنة !!
هذا شي .. أما بالنسبة للمطبات .. المفروض ياخوي مب كل من طلب مطب عند بيته .. تحطوله .. عيل وين التخطيط؟ هذيله مب مهندسين عشان تسمعون كلامهم ؟
مشكوور أخوي المجنون على ردك و كل شخص و اسلوبه…. انا ياما سرت و لفيت شرووق بني ياس كلها من شرق واحد الى شرق 11 و من غرب واحد الى النهضه العسكريه والله عمري ما شفت احد تعرض لي ولا وقفني و سألني ليش يالس اتلف….. ناس تسمع كلام و تألف بدون دليل او برهان و اهالي بني ياس الله يكون بعونهم و الشيوخ ما يقصرون الله يطول بعمرهم ترا الحينه في مشروع فلل الوثبه راح تنبني 15الف فيلا على احسن طراز و معظم اهالي بني ياس راح ينقلونهم هناك
أولا شكرا لصاحب الموضوع و ثانيا بالنسبة لأهل شرق 11 مساكين والله الله يعينهم 25 سنة متعذبين و اخرتها فطرو على بصله البلديه بنت بيوتهم في منخفض قابل لتراكم الماء الارضي مع الايام و عقب وعدوهم من 15 سنه انهم بيوزعون عليهم اراضي و تعويضات بسبب هالغلطه و لكن كلام في الهواء وفوق هذا اهالي المنطقه تقريبا 80 في الميه منهم ماخذين قروض من هيئة القروض و من البنوك عشان يوسعون في بيوتهم و يسوون لها الصيانه الللازمه يعني الناس خسرانه ملايين و عقب شو سووا لهم عطوهم بيوت في الشامخه تبعد عن مناطقهم 15 كيلو ولا يوجد بالقرب منها لا اسواق ولا عيادات و لا مستشفيات يعني الخدمات محلك سر وفوق هذا البيوت يا عيني عليها كلها عيوب عيوب و تشققات في كل مكان و عدد الحجر فيها لا يتجاوز 5 حجر مع ميلس للحريم و ميلس للرجال مع غرفة طعام …… ناس خسرو ملاينن في بيوتهم و اقل واحد باني في بيته 10 حجر و اخرتها تعوضهم ببيت الغرف مالته كلها 5 غرف نوم وفوق هذا البلديه رفضت تساعدهم و تعطيهم منحه عشان يبنون الا ضافات يلي محتاجينها او حتى تلغي القرض يلي عليهم عشان ياخذون قرض ثاني ولو حتى من البنك…… ملاك هذي البيوت معظمهم متقاعدين وفوق هذا رفضو يعطونهم منحه ماليه او يلغون عليهم القرض يعني من وين تبون الواحد ييب البيزات عشان يبني الاضافات يلي يبيها ولا يبون الحبايب نص الاسره في البيت و نص الاسره تسويلها خيمه في الحوش والله شي يبط الكبد و الحمدالله دولتنا خيرها وايد وشيوخنا ما يقصرون و كل مؤسسة غلطت عليها تتحمل غلطها يعني البلديه بنت شرق 11 في منطقه منخفضه مما تسبب في معانات اهلها عليهم يعترفون بالخطأ هذا ويعوضون اهلها بشي زين و ما يغصبون الشخص انه يطلع من بيته و السموحه منكم ترا اقول هالكلام من القهر