السلام عليكم ورحمه الله وبركاته ,,
جيف حالكم
شباب تعرفون مكاان يفصل بودي حق رنج سبورت
شغله صح 100% ماريد واحد غش وشغله غالي علفاضي
اتمنى المكااان يكون في دبي او شارجه او عيمان
جريب عليه
رحم الله ولديكم عطوني العنوان كاااامل بليز
حبوب تبا شغل وكاله عندك عندك نجوم الخليج في الشارجه ارخص عن الوكاله بوايد
إذا تبا في العين في كراج أسمه طائر النار
كراج مشهووووور متخصص في الفايبر جلاس
الكوس / فيوتشر / شباب قطر / بدر أهلي / النوبي راعي الكبسولة الفسفوري / خليفة القرطاسي / بن هواش الخييلي ….الخ الخ
هاي بعض أسماء زباينه
طبعا شباب قطر بشوف عيني شاحنين نيسان كبسولة على كرين من قطر تخيل
طبعا أسعاره معقولة و تقدر تقارنها مع كراجات ثانية ( اللوتس / ديسكفري )
الرجال شغله مضبوط و هو متواجد بالكراج دايما يشرف على الشغل
من السبت لحد الخميس 8 الصبح – 10 المساء
يوم الجمعه مبندين
بيبيع لك الكت بدون صبغ إنت تصبغه في أي كراج يعجبك أو إذا تباه يدلك على كراج هو يتعامل معاه + التركيب
طبعا أحسن ما فيه ما ياخذ الكت الأصلي عنك يخليه لك مب شرات معظم الكراجات بيعطيك الكت اللي تباه و بياخذ كت سيارتك و بعدك بتزيده فلوس
المهم الريال يداوم في الجيش يمكن ما يرد عليك من أول مره بس طرش له مسج و خبره بطلبك و هو ما بيقصر إن شاء الله معاك أو مع غيرك
بس أنصحك الحين ما تكون مستعجل على الكت لأنه عنده زحمة عشان ضرب تل مرعب
المهم هاي أرقامه 6633117-050 أو 5592277-050 سلطان ( بو سيف )
صناعية العين ( مقابل وكالة النيسان قدوما من بنك أبوظبي الوطني / الإشارة يمين / و على طول يمين بعدها مباشرة / خلك محاذي الشارع / بعد ما تشوف محل الخزف للرخام و المواد الصحية / لف يمين بيكون الكراج على يسارك مباشرة** كراج طائر النار )
موفق بإذن الله … لك مني أجمل تحية .
لو تخلي موترك من دون كت صدقني احلى واحسن …
وهذه وجهة نظري
سير دبي في محل اسمه كروم & كاربون يسوي كتات لاغلب السيارات
متوفر عنده كت hst وكان بعد
ماعرف وين موقعهم بس اتصل ع البداله وخذ منهم راقم محل كروم & كاربون
موفق بإذن الله … لك مني أجمل تحية .