السلام عليكم و رحمة و الله و بركاته

طالبين مشورتكم و ما خاب من استشار ..

السيارتين بنفس السعر تقريباً ..

سعر الاكس 6 مع الهامان 500 الف و محد يسألني كيف يبتوا هالسعر

سعر البورش باناميرا فور اس .. 495 الف ( الفل اوبشن ) .

X6 هامان

مميزاته انه فورويل و من ناحية الصيانة افضل ( 5 سنوات سيرفس كونتراكت )

و شكله احلى من وجهة نظري ..

قوة المكينة 407 حصان

———————

بورش باناميرا 4s

مواصفاته افضل من البي ام و المقصورة الداخلية احلى بألف مرة

عيوبه انه صالون ( مب متشجعين وايد للصالون ) و حسب ما سمعت صيانة و قطع البورش نار

قوة المكينة 400 حصان

شو راي الجماعة

37 thoughts on “بورش باناميرا 4s و لا اكس6 هامان ؟!”

  2. السلام عليكم ورحمه الله وبركاته

    و الله ياخوي اذكر ان البنميرا فالوكاله سعره يبدأ ب 499 الف درهم هههه الدرهم هذا ما ادري ليش خاصمينه
    بس في امريكا يبدأ ب حوالي 400 الف درهم بس اقل من مواصفات الخليج لأن المواصفات اللي فيه ممكن تكون جدا بسيطه (بدون مكيفات و مسخنات كراسي .. بدون مثبت سرعه متطور… بدون اجزوز سستم ) وما الى ذلك
    بس السيارات اللي توصل الخليج تكون مطلوبه فل اوبشن و اذا تبغي تزيد عليها شي تقدر تزيد من قائمه الexclusive

    اما بالنسبه للاختيار بين السيارتين
    بصراحه ياخوي من ناحيه قطع الغيار صحيح ان البورش غاليه قطع غياره
    بس السياراه اذا انت معتني فيها ترى مافي داعي تبدل فيها شي و عليها ضمان 3 سنوات
    اما من ناحيه التشيكات ما اعتقد انها غاليه بالنسبه لسعر السياره

    و البنميرا يديده فعندك 5 سنوات ما بيتغير شكلها و شكلها بصراحه قوي احلى من الاكس 6
    و مواصفاتها روعه
    انا أصوت للبنميرا بصراحه و اذا تبغي نصيحتي عاللون خذ الكحلي و من داخل كحلي مع جلد ابيض او كونياك بيطلع روعه d:
    الابيض وايدين خذوه لأنه دفعه اولى و كان متوفر
    الكحلي للحين ما شفت منه فالشوارع
    و على رأي مشرفنا (استخير و توكل على الله ) أفضل حل
    و بالتوفيق

    الف شكر اخي

  3. السلام عليكم…
    عزيزي من وجهت نضري أكس 6 الهامان جميل ماشاء الله ويكفي انه فورويل وتقدر تركب أكثر من شخص ويااااك وهييييبه ماشاء الله…
    وبخصوص البورش ما أنصحك فيه وبصراحة مووول مادش خاطري لأن مألوفه واااااايد…
    وهذي وجهت نضري والله يوفقك في الإختيار…

Comments are closed.