السلام عليكم و رحمة و الله و بركاته

طالبين مشورتكم و ما خاب من استشار ..

السيارتين بنفس السعر تقريباً ..

سعر الاكس 6 مع الهامان 500 الف و محد يسألني كيف يبتوا هالسعر

سعر البورش باناميرا فور اس .. 495 الف ( الفل اوبشن ) .

X6 هامان

مميزاته انه فورويل و من ناحية الصيانة افضل ( 5 سنوات سيرفس كونتراكت )

و شكله احلى من وجهة نظري ..

قوة المكينة 407 حصان

———————

بورش باناميرا 4s

مواصفاته افضل من البي ام و المقصورة الداخلية احلى بألف مرة

عيوبه انه صالون ( مب متشجعين وايد للصالون ) و حسب ما سمعت صيانة و قطع البورش نار

قوة المكينة 400 حصان

شو راي الجماعة

37 thoughts on “بورش باناميرا 4s و لا اكس6 هامان ؟!”

  1. انا بصراحه انصحك بالبورش

    اولا : لأنها سيارة يديده وبعدها ما انتشرت بالشوارع واااايد

    ثانيه : والأهم البورش جيمته فيه لا فكرت اتبيعه بوقت حايه لا سمح الله ايبلك سعر

    وبصراحه البورش اليديد هذا شكله هيبه والله واتكيت بعد بس الهامان مبين عليك وااحد لوتي مع احترامي لك

    هذي وجهة نظري والسموحه يعلني افداك

    ههههههههههههه …

    البورش جيمته فيه ؟؟؟!!!! اسمحلي الغالي بس معلومتك غلط

    مرسيدس … بورش … بي ام … هالمواتر أول ما اطلعها من الوكاله الـ 50 , 70 ألف لا تتكلم فيهم على طول تنقص من جيمة السياره

    و ترا الناس أذواق الغالي … و على قولتك كل حد له وجهة نظر …

    السيارتين احلى عن بعض

    و السموحه

  2. ماانصحك في السيارتين عموماا

    البي حلو فيه ضمانه والسيرف كونتراكت 5 سنوات
    بس انا مب من معجبين x6

    والبورش مع احترامي للي قالوا عنه هيبه شكله قبييح خاصه من ورا
    شفت وايد في الشارع والله باايخه
    البوورش معروفه بسياراتها السبورت
    “الباناميرا ماتحس انها بورش” وهذا اللي يكرهني فيهاا

    تباا موتر رزه وفخامه وهيبه وقوه عليك بـ g55 وبس

Comments are closed.