بورش كاين 8 سلندر مطلوب ب 60 الف

18 thoughts on “بورش كاين 8 سلندر مطلوب ب 60 الف”

1. السلام عليكم …

   اخواني البورش موديل 2003 فل ابشن 8 سلندر كرت شاشه بيج

   نظيف نظيف نظيف جدا من الداخل وريحة الوكاله فيه …

   بخبركم شو تصليح السياره ..

   السياره ضاربة شاحنه من الجنب اليمين
   الاشياء المتضرره عندك شي بسيط من السقف في زاوية السقف ويتعدل بسهوووووووله
   عندك ابواب كامله مع الزجاج جهة اليمين
   مدقار يمين
   بونيت
   دعامية اماميه
   عدد راديترات 2
   اكسل شيالات عدد 2 فقط
   زجاج امامي
   فتحة سقف
   عمود الزجاج الامامي يمين
   اما عن الفرش ما تضرر ابدا وبحالة الوكاله ولا شمخ
   وعندك الشاصي يتعدل وبسهوله ضربته بسيطه ..

   على العموم اللي كان يفكر ياخذ السياره تصليحه بسيييط وسهل وايد يوديها عند حد من ربعه على شركة تامين في دبي ويخليها كانها سيارات شركة التامين ويون عشر كراجات ويسون عليها كوتيشنات وانا بحكم معرفتي في ها الامور وصاحب كراج تصليح السياره لا يزيد عن 40 الف تصليح ممتاز ممتاز و 30 الف تصليح وسط و 20 الف تصليح جيد و 10 الاف درهم تصليح خرطي ..
   انا واثق من كلامي اللي اقوله

   بس للاسف السياره انباعت والحمدالله

   اسمحولي انا كنت في المستشفى منوم يومين حرارتي 39.5 الله المستعان والله للحين حرارتي مرتفعه بس انا تعبت من الاتصالات الي تيني عن البورش

   عموما اللي حاب يدفع اكثر يتصل لصاحب السياره الجديد

   طالب فيها 65000 الف درهم 4866123

   يليت الموضوع يتسكر يا مشرفنا

2. السلام عليكم كيف الحال

   اخوي ممكن تنزل الصور هني واللي يبغي السيارة يتصل بك وبيكون شايف السيارة وبلا تعليقات مالها معنى

   والسموحه

3. اخوي اتمنى انك اطرش صور السياره على mms
   4200009

   وشكرا

Comments are closed.