|–*¨®¨*–|بو بريقع |–*¨®¨*–|
ويكون البرقع للمرض من قماش أخر وهو اللون الأبيض وغالباً يكون
من ثياب الرجال المعروفه ،،،
يلبس على الوجه ويشد جيداً ،، ويخلعه بين الحين والآخر
ويبقى في غرفته مدة أربعين يوماً ،، لايخرج منها الا للضرورة …
ويشفى بعد ذالك بإذن الله تعالى <<<
وهكذا أنتهيت من سرد قصة بو بريقع المرض المتجدد
منقول ..
هيه بوبريقع .. مصيبه .. ونا ربعي أشكثر صابهم هل المرض .. حتى مديري صابه وتم متضيج ومب عايبنه الوضع .. حد خاز عنه وعندي واحد تام مسكين لليوم .. ويهه أعتدل بس أتحسبه يوم ياكل جنه يستصعب المضاغ من الطرف اللي صايبنه المرض فيه وساعات يوم تيلس وياه ويسمر عنك أتشوف عينه اليمين تدمع روحها .. وهذ معناته انه مرض البوبريقع فيه مستويات .. فيه الخفيف قوم بو تدليك وفيه الثجيل ماإيبه غير رحمة رب العالمين والأبر .. بس سبحان الله الويه يفتر فره عدله ويازم اللي جايسنه متلوم ومايطلع من البيبت ويطالع ويهه في اليوم سبعين مره صح ولا بعده .. الله يعافينا من كل مرض وهذ نصيحه نوجهها للشباب تحملو تتسبحون وتخلون المكيف يسطع على ويوهكم دايركت .. ونحن من وين يتنا هالامراض الا من هالكنديشنات .
شكرا على مرورك الطيب
عاد هذا علاج الاولين يضربونك بغتره وغيره … احينه اطب اطور … والحمدالله عسلامتك يالعين اربع وحدات
انا قصتي مشابهه لقصة اخوي اللي كتب من شوي .انا ياني هالمرض اول شي مب وراثي و ثاني شي نفس الاسباب بس الفرق اني قبل ما ارقد تسبحت بماي حار وعقب رقدت مجابل المكيف على خدي ويوم نشيت بديت احس فيه شي غريب في نص الويه وكل يوم يزيد هالاحساس وعقب ثلاث ايام ما كنت احس ولا اقدر اتحكم بنص الويه وسرت عند الدكتور وقالي شلل نصفي طبعا ما يعرف اسمه بو بريقع المهم تميت عالعلاج الطبيعي فتره كنت اسير يوميا ويستخدمون ذبذبات كهربائيه خفيفه ويا التدليك اسبوعين وعقب الحمدالله بديت شوي شوي ارد طبيعي بس في هالفتره كنت اطلع واسير كل مكان صح اني كنت اكسر خاطرهم خاصه وقت الاكل والقرض يستوي وما اروم اضحك ولا ارد عليهم بس عقب استلمتهم يوم رديت.
شكرا للأخت عالموضوع وحبيت اخبركم عن التجربه ويا المرض
الحمدالله رب العالمين