السلامة عليكم ورحمة الله وبركاته
يا جماعة الخير الحبيب اللي يعطي 30 % راح نمك ويقول ان البزنس ماله كان محل عبايات للحريم والباقي ودايع
شوف الواحد من مجمع جمعيات وبعد الاشاعات خلوا رجل اعمال وصدق نفسه وقال بجمع فلوس وبعده ما عرف كيف يشغله
انا من اللذين انعرض عليهم الموضوع لكن الحمد لله ربي الحافظ ما اصدق في حياتي ان في اي مشروع في العالم انه يدخل 30% شهرين حتى لو شغلت بكل راس المال اللي عندك
هو شو مستفيد اذا يعطي 30 %
يا جماعة الخير كل واحد يقدم الشيك ماله لانه في ناس حصلوا فلوسهم على حسب البنوك
يعني اذا شيكك مصرف ابوظبي الاسلامي انسه الموضوع !!!
واللي عنده وصل امانه يشوف البروكر اللي دخله المحفظه اول يقدم وصل الامانة للشرطة
ولكم مني الشكر وان شاء الله ترند فلوسكم
واتمنى كل واحد يفكر في الحلال والحرام قبل لا يدش في اي دخل من اي جهه كانت
وجوزيتم وعوفيتم
مرحباااا
منو عكرمه
والي يعرفه يطرشلي اسمه لو في الخاص
فضووووووووووووول ضربني فضول من كثر ماتقولون هالاسم جدامي…
انا عندي معلومات ومن مصادر موثوقه وجهة رسمية انه الانتربول استعاد شخص كان هارب وللاسف مواطن ,,, وتم التعميم على شخص اخر وايضا للاسف مواطن ,,وانتبهوا ياشباب تراها صايره مووضه سالفة المحافظ والله يعين
الله المستعان يعني بالعقل شو المشروع اللي بيعطيك راس مالك في ثلاث شهور يا جماعة استشيروا واستخيروا يعني ما تعلمتم من اللي سواه فينا عكرمة 2005
هية نعم مدراء بنوك حاطين فلوس عندة الطمع يسوي كل شي
تذكر سالفة الهندي باتل مليار و 200 مليون تسهيلات من البنوك
وينة هالهندي كيف خذ هالتسهيلات خبرني
حتى في البنوك فية نصب واحتيال ويلعبون بفلوس الناس
ابسط شي والكل يعرفة تأخير الرواتب يوم واحد كم يستيفيدون من هالساعات
وانا يوم اقول هذا الكلام ما احكم على الريال انة انة معجزة او اني مستانس علية
محد يقدر يثبت اي شي في الوقت الحالي لانة كل الكلام اشاعات
ايقاف مالك شركة توظيف اموال للتحقيق في أبوظبي
——————————————————————————–
ايقاف مالك شركة توظيف اموال للتحقيق في أبوظبي
صحيفه نسائيه خاص : قام احد مالكي محافظ توظيف الاموال بالترويج لمحفظته باستغلال حب الناس للزود من الاموال وعدم معرفتهم بماء يدور وجهلهم بامور التجاره واغراهم بانه سوف يدفع لهم شهريا ثلاثين بالمئه كربح وان راس المال ثابت وعلى هذا جمع الكثير من الاموال ما يعادل نصف مليار درهم ودفع لبعض الناس في بداية الامرمن باب الاغراء .
ولكن تنبهت الجهات الرسميه في دولة الامارات لما يدور وادخلت صاحب المحفظه دائرة التحقيق لمعرفة ماذا ينوي فعله وما زال هو ضمن التحقيق وايضا الوسطاء الذي كانوا يروجون معه والان العملاء لايعلمون ماذا سوف يصبح مصير اموالهم ولكن هم على ثقه بان سلطات دولة الامارات سترد كل ذي حق حقه
وعند لقاء (( صحيفة نسائيه )) لأحد عملاء شركة التوظيف الأموال دار الحوار التالي:
كيف كان الترويج الى هذه المحفظه ؟
كان هناك الكثير من الشباب قاموا بالترويج له وابداء مسئلة انه سوف يفيد الناس فصار الجميع يتكلم بالموضوع وبعد فتره دخل عدد من الناس معهم
كيف كان ذلك ؟
تتصل بالوسيط وتضع الفلوس في حساب احد موظفي البنك وهو يصدر للوسيط
شيك ادري من البنك ثم يسلمه للوسيط والوسيط بدوره يعطي شيك باسمه وبعد يوم او يومين ياتي اليك بشيك من صاحب المحفظه.
ماهي طريقة الحصول على الارباح؟
كل اخر شهر يوضع الربح في حسابي في البنك او يسلمني الربح بشيك
وكيف عرفوا العملاء ان الشركة تمارس التحايل ؟
اصبحنا في احد الايام وسمعنا هناك كلام يتناقل بين الناس ان الوسيط قد تم القبض عليه وحينما اتصلت عليه قال هو مجرد تحقيق وان الموضوع عادي ولكن اغلق تلفونه من ساعتها والى الان لا يوجد اي خبر غير ما يتناقله الناس حول انهم يتعرضون لتحقيق من قبل سلطات دولة الامارات وان الاموال لا يعلم بها الا الله تعالي والعملاء تنتظر نتيجة التحقيق
صحيفه نسائيه سوف تقوم بمتابعة تطورات التحقيق
علما بأن هنالك اخبار تشير ان مالك المحفظه لم يثبت عليه شىء واستدعي بسبب قيام احد وسطائه باختلاس مبالغ من العملاء ولم يقم بإيداعهم بحساب المحفظه ومن ثم هروبه خارج البلاد.
ليكون هذا صاحبنا اللي هرب الى ايطاليا
صحيفه نسائيه الالكترونيه – مكتبة الأخبار – حوادث وقضايا – ايقاف مالك شركة توظيف اموال للتحقيق في أبوظبي – powered by Infinity
للأمانه الخبر منقول من منتدى آخر ..