بيع أرقام اتصالات المستخدمه سابقا و تبعاتها الصعبه

18 thoughts on “بيع أرقام اتصالات المستخدمه سابقا و تبعاتها الصعبه”

1. أنا استوت لي هالمشكلة لكن بالعكس
   سرت مرة إتصالات وطلبت بطاقة خط مش مدفوعة
   اخترت رقم وبديت أستخدمه
   ووزعته على كل معارفي وكل الناس تتصل لي على هالرقم
   بعد فترة 6 شهور تقريباً من تاريخ شرائي للرقم اتصل بي واحد
   يقول هذا رقمي وكل الناس يعرفونه وأباك ترده
   قلت له ياخي الرقم هذا أنا إشتريته من إتصالات
   وإذا في غلط في الموضوع راجع اتصالات لأني أنا ما أقدر أفيدك
   وفي نفس الوقت ما أقدر أرجع لك الرقم لأني كل معارفي يتصلون لي عليه
   المهم طبعاً الريال ما اقتنع وحشرني حشرة لها أول ما لها آخر
   في اليوم الواحد يتصل بي يمكن 12 إلى 18 مرة
   أزعجني بشكل مش طبيعي
   آخر شي هددته بأني ببلغ عنه الشرطة إذا اتصل مرة ثانية ومن يومها ما اتصل
   الغريب في الموضوع إن الشخص هذا يدعي بأن أهله وأصدقائه يتصلون له على هذا الرقم
   ومع هذا طول فترة استخدامي للرقم مافي يوم حد إتصل بي بالغلط وطلبه
   بإستثناء الآسيويين المزعجين “اللي تعرفونهم” طبعاً

   طيب ، في حالتي شو كان الحل المناسب للطرفين ؟؟

2. شكراً جزيلاً على ابداء المساعدة اخوي الكريم

   ((أحب الناس إلى الله أنفعهم للناس ))

3. هو الرقم كان له اكثر من 6 شهور بس بالضبط مش متأكده يمكن 8 او 9

   وكنت دائماً أتصل اتأكد اذا الرقم باسمي او لا وكانوا يقولون لي بعده باسمج

   بس انا ما مر علي سنة علشان اجدده هذا اللي أذكره وما كنت اعرف الصراحة ان الخط لو ما انفتح اصلاً يكون عليه تجديد

   وأياً كان فأنا عتبي عليهم وايد لان من المفترض يبلغون ويتصلون بالأشخاص وما يتصرفون على هواهم لأن سالفة سحب الرقم أصلاً محد ينوه عليها لما نشتريه ولا يكتبونها في عقودهم لما نوقع عليها .

   نحن ما عرفناها الا لما تم السحب واستفسرنا .

   شكراً اخوي متعني عالتوضيح

   العفو،

   عطيني الرقم اللي سحبوه، و بستفسر لج.

   محد له الحق ياخذه عنج قبل الـ 15 شهر.

Comments are closed.