السلام عليكم ورحمة الله وبركاته
مادري و أنا يالسة أشوف موتر مب عارفة شسوي فيه واقف في البيت يتني فكرة مادري اذا الفكرة موجودة والا لا بس اذا موجودة خير وبركة
هل في محل تأجير سيارات ممكن ياخذ سيارات شخصية و يأجرها ويكون الربح بين صاحب السيارة و بين المحل ؟؟
أحسن من صدعة الراس و انا اندور شراي وغربلة بنوك و على الأقل ربح مستمر
والا شورايكم ؟؟
بيعي الموتر واشتري فيه اسهم
دام انه احنا في منتدى الاسهم
وان شاء الله بتربحين
اذا للبيع خبرينا شو نوع الموتر ومواصفاته وصور وكم المطلوب
مايسمح القانون تاجرين موتر شخصي
وبعدين المخالفات والنقاط السوداء منوه بيتحملها انتي ؟؟!!!!
هذا موتر باسمج كيف تخلين كل من هب ودب يسوقه !!!!
بيعيه ولا خليه واقف يمكن باجر ان استوى شي في المواتر ولا اختربن تحتايونه
موفق بإذن الله … لك مني أجمل تحية .