السلام عليكم
انا مقيمه بامريكا اللي يبي شئ يراسلني
وقريبا بطلع رخصه بيع السيارات وراح ابدا تصدير السيارات للوطن العربي
لان كم انتم عارفين اصبحت هنا بامريكا بسعر التراب
واي شئ تبوه من هنا انا حاضره
59 thoughts on “تاجره من امريكا طلباتكم من امريكا@!!!”
Comments are closed.
السلام عليكم
ما ادري اذا صار شي على اللابتوب اللي سألتك عنه ؟؟
اوك باذن الله
هلا اخوي حياك
طيب بسالك في كم خليجيين يطلبون من مواقع امريكيه ؟
عده ناس شو ضمانهم انهم يوصلون ليهم؟مافي ضمان سوا انه موقع بالنت
عن طريق اي باي 30 بالميه منكم تعرضوا للنصب
مواقع اخرى تعرض بعضهم للنصب واعرف اخت راسلتني تقول زوجي طلب من موقع كمبيوتر حول مني
جرام الفلوس
الموقع مارسل شئ عقب شهر اختقى الموقع من النت حاولت اساعدهم ماعرفت اتواصل مع الموقع
واختفى بعدين الموقع!
طيب انا مو اول مره اشتغل بهالشغله يعني تاجره من 3 سنين يعني مو شهر او شهرين
يعني بعد 3 سنيين تجاره مو ثقه كافيه ليكم شلون تكون الثقه بعد هذا ماهي الضمانات المطلوبه؟
ثانيا موضوع السيارات ماراح يكون موضوع لعب يهال انا بيكون عندي رخصه من ولايه نيويورك رسميه
لتصدير السيارات يعني لا قدر الله صار شئ ماوصلت السياره
شركات التامين تغطي تكاليف الخساره لي او للمشتري حسابات بنكيه تابعه لللشغل
يعني مو شئ غامض كل شئ رسمي!
فماعرف شو اللي يخوف ؟
على العموم انا مافرض على حد التعامل معي انا هنا اعرض اللي حاب حياه واللي مايبي مو غصب
التعامل معي
واشكر مرورك اخي بموضوعي
انا ما ابا يديد ايا مستعمل موديل 2006 او 7 او 8 كورفيت zo6 اصفر او اسود …جوفيلي ارخص سعر وخبريني …
السلام عليكم اختي
الله يوفقج ان شاء الله
اختي انا ابا اسالج سؤال… ليش خذتي موضوع الضمانات بحساسيه؟
بالعكس يعني اي حد ومنهم انا وانتي اذا واحد عرض علينا عرض نفس اللي انتي مسوتنه لازم بنتاكد اول شي من الضمانات … شو الشي اللي يضمنلي ويضمنلج انه الفلوس ما تضيع ؟؟؟ انتي تقريبا يديده في هالمنتدى وفجأه عرضتي علينا هالعرض… اوكي حلو ما اختلفنا بس قبل التعامل بين العارض والطالب لازم يكون في ثقه…. صح والا انا غلطان؟؟؟
احنا لما نروح باريس غاليري نسألهم اذا الساعه الفلانيه اصليه والا لا؟ هذا وهو باريس غاليري… اتمنى ما تاخذين الموضوع بحساسيه… لانج لو كنت مكان اي واحد فينا اول شي بتسألين عنه الضمان… طبعا انا ما اشكك في مصداقيتج لكن الطريقه اللي تبغين العالم يتاكدون منها على مصداقيتج بصراحه مش كفايه…
وعلى فكره انا ابا اتعامل معاج
والسموحه عالاطاله
واسف اذا اعتبرتي كلامي في تجريح…