مرااااااااااااااااااااااااااحب

صباح الخير / مساء الورد

على كل من يدخل مواضيعي ^_^

اليوم ان شاء الله راح أطلع عالكويت .. وراح أرجع بالجمعة اذا الله قدر ويسر

واللي خاطركم فيه << اذا الله قدرني عليه >> راح أوفره لكم

وما يردكم غير لسانكم ؟؟

اخويه نواف سامحني على الموقف اللي صار أمس ههههههه طول الطريج انا والاهل ليش انت ؟؟ وليش انتي ؟؟ هههه بس والله ضحكنا من الخاطر ….^_^ وكان مشوار طيب

بخبركم شو صار ..

البارحة طلب مني اخوية نواف لاب توشيبا .. وقلت لام العيال يلا خلنا نطلع .. صار لنا فترة اهيه امبين هالكتب والتحضير والعيال والبيت وانا امبين هالكوفي شوب والمحل والانترنت هههه والمعول كله عالامبوست والمندوب

وظهرنا رايحين انوصل الطلبية لاخوي نواف بند الحمر .. ويلا عاد قومو دوروا بشوارع دبي لغاية ما وصلنا هناك .. ودخلت المسيد وصليت المغرب واترييت اخويه يرد عليه عسب يدلني عالبيت .. والحمدلله وصلنا ..
اطلعت الرضيعة لنا عسب انسلمها اللاب ونتوكل .. يوم نزلت ام العيال بتنزل اللاب اكتشفنا انه اللاب بالموتر الثاني هههههههه اتخيلوا
حسيت انه ويهي مو اخترق انشوى .. والحين خفت الاخت تفكر انه احنا انقص عليها والاشي بس الحمدلله اتفهمت الموضوع ورجعت الشارجة وطوووووووول الطريج وانا وام العيال ميتيييين على عمارنا من الضحك .. كيف انت طلعت وما شليت اللاب وكيف انتي ظهرتي وما شليتي اللاب ^_^ بس الصراحة كان مشوار طيب صار لنا فترة ما ظهرنا مع بعض

المهم رجعنا للشارجة وشلينا اللاب ووصلناه الاخوان بدبي وكملنا طريجنا عالفيستيفال

الصراحة موقف لا نحسد عليه هههههه

ربي لا هانكم وحطكم بموقف شرات هذا

طيارتي اليوم العصر وبرجع الجمعة بالليل
والسموحة

اخوكم
هاوي كروزر

بوراشد

0507855500

9 thoughts on “تامروني بشي من الكويت ؟؟!!”

  4. ههههههههههه ^_^

    يلا تعيشون وتاكلون غيرها

    تروح وترد بالسلامه اخووي

    تسلمون .. غيرها امممممم الله لا يحرمني من الامبوست والدريول ..

    الحمدلله وصلت الكويت والرحلة ماشية عال العال ^_^

    هههههه آخرتها شكلي بتاجر بالدرابيل والحلاوة

Comments are closed.