تاندرا للبيع باب واحد وباب ونص واربعه باب اسعار خاصه صوووور

18 thoughts on “تاندرا للبيع باب واحد وباب ونص واربعه باب اسعار خاصه صوووور”

1. السلام عليكم ……….. الغالي ممكن تخبرنا كم الاسعار ؟ صدق بعض من التجار ما يرحمون ابد

   مرحباً أخي العزيز السيارة متوفره وبأسعار جداً منخفظه عما يعرض في الاسواق الامراتية

   والان وخاصه الاشهر هذي انتشرت السيارة بشكل كبير وذلك لكثر المتاجره بها والطلب ايضاً والغريب بيعها اكثر من طلبها اصبح وخاصه من بعد استعمالها من بعض الناس وهذا عن ترقب شخصي في المعارص

   عموماً السيارة تجدها بأسعار اقل عن 100,000 الف درهم وبالمواصفات المرغوبه

   اضف عمولة الشحن التي لاتتجاوز 5000 درهم وعمولة 5 % جمرك من قيمة السيارة

   احسبها وحط بعد ربح لك 15000 في السيارة اذا انت بتسوردها وشوف كم يطلع التوتل

   خلينا نقول قيمة السيارة 100،000 الف درهم
   قيمة الشحن + تأمين +تخليص جمركي 15000الف درهم

   وانت حطلك ربح بعد 15000 الف درهم شوف التوتل كم يطلع عليك

   100,000 + 15000+15000=130,000

   هذا انا حاسبنها وبزيادة بعد وانا على يقين انها بتلطلع اقل عن القيمة التي حسبتها

   بس في الامارات محطاي سعر 150,000الف هل انا أخطأت في حسبتي

   انا اتكلم عن الباب واحد

   حسبوها وشوفو اذا انا ظلمت المعارض

   تحياتي ورمضان كريم

2. السلام عليكم ورحمة الله

   والله ياخوي وايد امبالغين الاسعار

   السيارات هذي موجوده في امريكا وايد ارخص عن اسعاركم ما ادري ليش التاجر ما يكون قنوع في ربحة ويبيع كمية اكبر يعني لو

   يكون سعرك شوي معقول بتبيع عشرين حبه شهرياً| احس ما انك تجمد فلوسك لشهرين وشلاث وفي الحركة بركة

   يعني لو يكون سعرك مناسب انا ما اريد اتكلم عن السعر للاني على دراية تامة بالاسعار الي خارج الدولة ورسوم الشحن وعمولة الناس القائمين بالاعمال خارج الدولة

   يعني انتم لو تخلون ربحكم 6% بيكون ارباحكم اكثر من الوكلاء والبنوك

   بس انتم على اسعاركم هذي اكثر نت 25% والله حرام

   وارجو ما حد يزعل مني هذي وحهة نظر وان ازعجتكم

   اعتذر مقدماً عن مشاركتي

   وبالتوفيق ان شاء الله

   وعليكم السلام ورحمة الله و بركاته

   اخوي أذا تتكلم على دليل و حق زين لكن تعق كلام و تقول حرام موب زين
   بعدين محد مجبور يشتري سياره اعلى من ميزانيته.

   بعدين تقول أحط ربح صافي 25% تراك غلطان.
   انته لو تحسبها و تحاول تطلب تندرا من امريكا او اي سيارة اول شي بتكلفك و ثاني شي فلوسك ما بتضمنهن و بتتريا سيارتك عالأقل 60 يوم وفوق.
   بعدين السيارة يشتريها المندوب من المعارض مش من المصنع فالمعرض حاط فايدته و المندوب يبا عموله و قيمة المصاريف السفر في امريكا و انته عارف امريكا مش الامارات في الحجم يعني سيارة في كلفورنيا و الثانية في تنسي او تكسس او اي و لاية ثانية و السفر بالطيارة يخذ ساعات , بعدين التندرا من نوع Trd مش موجود في أي ولايه ويبالك دورة راس و وقت لين متحصل الي تباه غير انه في احتمال انك تصرف فلوس و ماتحصل السيارة بالمواصفات المطلوبه.
   بعد ماتشتري السيارة يبالك شحن داخلي يكلفك من 2000 لين 5000 درهم بس شحن داخلي لين ميناء التصدير. وعاد انته احسب قيمة الشحن في كونتينر و التخليص في امريكا و الامارات و الشحن في الأمارات ولا تنسى التامين.
   للعلم ترا التندرا ممنوع تصديره دايركت,,,,, يعني اشتريه و يكمل عالأقل اسبوعين أو اكثر بعدين يودونه ميناء التصدير فانا مخاطر بمالي يمكن تنصرق او اي شي يصير الها و مافي اي ضمانات و الضامن الله.

   اتمنى اني اكون وضحت الصورة.

   و إي استفسار حاضرين عالنت أو يالأتصال
   0504428195

3. السلام عليكم ورحمة الله

   والله ياخوي وايد امبالغين الاسعار

   السيارات هذي موجوده في امريكا وايد ارخص عن اسعاركم ما ادري ليش التاجر ما يكون قنوع في ربحة ويبيع كمية اكبر يعني لو

   يكون سعرك شوي معقول بتبيع عشرين حبه شهرياً| احس ما انك تجمد فلوسك لشهرين وشلاث وفي الحركة بركة

   يعني لو يكون سعرك مناسب انا ما اريد اتكلم عن السعر للاني على دراية تامة بالاسعار الي خارج الدولة ورسوم الشحن وعمولة الناس القائمين بالاعمال خارج الدولة

   يعني انتم لو تخلون ربحكم 6% بيكون ارباحكم اكثر من الوكلاء والبنوك

   بس انتم على اسعاركم هذي اكثر نت 25% والله حرام

   وارجو ما حد يزعل مني هذي وحهة نظر وان ازعجتكم

   اعتذر مقدماً عن مشاركتي

   وبالتوفيق ان شاء الله

   السلام عليكم ……….. الغالي ممكن تخبرنا كم الاسعار ؟ صدق بعض من التجار ما يرحمون ابد

Comments are closed.