مرحبا اشحالكم
طبعا ما ااقول عن موضوعي انه تقرير رحلة بس احب اقول نصيحه للي يحب يودي عيالة وللوناسه عروض الدولفين في حديقة الخور بدبي
طبعا رحت اليوم العرض كان الساعه 10 صباحا طلعنا من وقت ويا الصغارية انا وعيالي واربيعتي ويا عيالها
المهم …
دشينا الحديقة برسوم 5 دراهم للشخص واتوكلنا على مبنى عرض الدولفين
بسم الله الرحمن الرحيم
دشينا والله اول ما انفتح الباب زغت قلت اكيد في تصوير فلم هندي والا اطوف وحده عدالي شرات الطهف ادزني اول ما دشيت الكيو تبا اتكون جدامي
واهفها بشنطتي واردها وراء 
المهم انتظرنا في الكيو لين ما دشينا
المهم بدأ العرض بعروض بهلوانيه وبعدين عروض الدولفين والفقم
والله سبحان الله طول ما انا يالسه اسبح واستغفر والله عرض عجيب سبحان الله يتصرفون شرات الانسان ويفهمن
يرقصن- بغنن- يلعبن يعني والله سوالف عجيبة استانسو عليها اليهال
وانصحكم اتزورزن ها العرض الرائع
المهم بخبركم عن الاسعار ان حبيتو
يوم الجمعه فيه عدة عروض بس اللي في الساعه 10 صباحا العرض ارخص يعني اليهال كل واحد 30 والكبار 50 بس باقي الايام اغلى وباقي العروض بعد تختلف الاسعار
في نهاية العرض يسحبون على رقم التذكره الفايزة والجائزه هي رحله في الحوض على مركب صغير يوجهه الدولفين
بصراحه عجيب لا يفوتكم
وتقدرون بعدين بعد العرض تركبون التلفريك
راااااااااااااااااااااااااااااااااااااائع والله
ويا الله اتونسو ويا عيالكم
وادعولي الله يخليلي اعيالي ولا يحرمني منهم ان شاء الله
أنا بخيير الحمد لله
الله يخليلج عيالج و لا يحرمج منهم ان شاء الله
ااخ ذكرتيني احيد قبل يوم سرت اقولج احس انا وريلي بس المواطنين ولا كلهم هنوود ..اقول حق ريلي احنا اكيد في الشراجه ولا في الهند ..حتى هم يطاعونا ومستغربين ايقولون هاذيلا شو يايبنهم
ناسه والله
يبالي اودي بنتي هناك
اليوم وديتها ملعب الغولف
عيالنا مب مال غولف اصلا
تيود الكره بإيديها وتفرها صوب الحفره عقب يمعت كم من كره وتمت تلعب بهم شرات التيل
هههههههه
بس يبالي اتصل في حديقة الخور واسألهم عن موعد العروض مال الدولفين
تسلمين اختي على المعلومة
ومتى يبدا المساء؟ من الساعه كم؟
والله يخلي لج عيالج ويبارك لج فيهم يارب …
الله يخليلج اعيالج ان شاء الله
ويتربون بعز ابوهم
أهم شي ماشي زحمة هنود ياختي
لان امسات مودي اعيال خالتي
مركز الشارجه للاحياء البحريه
اقولج الهندي الي يوقف عند حوض السمج مايطيع يفج .. والي يوقف اهله عند الحوض الثاني ويصفهم صف ويباله نص ساعه لين مايصورهم .. عاد انتي اتريي لين مايعدلهم ويحيس الكيمرا يسار ويمين ويصور .. والي ياي ويا ربعه وكل واحد ماسكله حوض سمج ويصور وياه .. طبعاً كلهم هنود يعني الي يبى ضيقت الخلق يروح هالمركز لوووووووول