مرحبا اشحالكم
طبعا ما ااقول عن موضوعي انه تقرير رحلة بس احب اقول نصيحه للي يحب يودي عيالة وللوناسه عروض الدولفين في حديقة الخور بدبي
طبعا رحت اليوم العرض كان الساعه 10 صباحا طلعنا من وقت ويا الصغارية انا وعيالي واربيعتي ويا عيالها
المهم …
دشينا الحديقة برسوم 5 دراهم للشخص واتوكلنا على مبنى عرض الدولفين
بسم الله الرحمن الرحيم
دشينا والله اول ما انفتح الباب زغت قلت اكيد في تصوير فلم هندي والا اطوف وحده عدالي شرات الطهف ادزني اول ما دشيت الكيو تبا اتكون جدامي
واهفها بشنطتي واردها وراء 
المهم انتظرنا في الكيو لين ما دشينا
المهم بدأ العرض بعروض بهلوانيه وبعدين عروض الدولفين والفقم
والله سبحان الله طول ما انا يالسه اسبح واستغفر والله عرض عجيب سبحان الله يتصرفون شرات الانسان ويفهمن
يرقصن- بغنن- يلعبن يعني والله سوالف عجيبة استانسو عليها اليهال
وانصحكم اتزورزن ها العرض الرائع
المهم بخبركم عن الاسعار ان حبيتو
يوم الجمعه فيه عدة عروض بس اللي في الساعه 10 صباحا العرض ارخص يعني اليهال كل واحد 30 والكبار 50 بس باقي الايام اغلى وباقي العروض بعد تختلف الاسعار
في نهاية العرض يسحبون على رقم التذكره الفايزة والجائزه هي رحله في الحوض على مركب صغير يوجهه الدولفين
بصراحه عجيب لا يفوتكم
وتقدرون بعدين بعد العرض تركبون التلفريك
راااااااااااااااااااااااااااااااااااااائع والله
ويا الله اتونسو ويا عيالكم
وادعولي الله يخليلي اعيالي ولا يحرمني منهم ان شاء الله
ها الكلام اللي ما انحبه ليش اتخلينهم يستمتعون في بلادج شلي شنطة سفر في ايدج بس عسب ادفرين فيها هههههههه
الله يخليلج لعيالج ان شاء الله
عساااااااااااج على القوة
ااااااااااااااااااااامين وايخليلك اللي اتحبهم
احلى دعوه على الصبح ^_^
هههههههههههههههههههههه وحليلها .. لا بس ها العرض رائع وبعدين انا عيالي ما يستانسون الا على الالعاب يوم وديتهم ها العرض اسميني حصلت بوسات
هذا ثابت في الحديقه اخوي وعندهم اكثر عن عرض في اليوم اتصل واستفسر واحجز لازم يا عن طريق النت والا التلفون
وتسلم وربي يحفظ اعيالكم يا رب