مرحبا اشحالكم
طبعا ما ااقول عن موضوعي انه تقرير رحلة بس احب اقول نصيحه للي يحب يودي عيالة وللوناسه عروض الدولفين في حديقة الخور بدبي
طبعا رحت اليوم العرض كان الساعه 10 صباحا طلعنا من وقت ويا الصغارية انا وعيالي واربيعتي ويا عيالها
المهم …
دشينا الحديقة برسوم 5 دراهم للشخص واتوكلنا على مبنى عرض الدولفين
بسم الله الرحمن الرحيم
دشينا والله اول ما انفتح الباب زغت قلت اكيد في تصوير فلم هندي والا اطوف وحده عدالي شرات الطهف ادزني اول ما دشيت الكيو تبا اتكون جدامي
واهفها بشنطتي واردها وراء 
المهم انتظرنا في الكيو لين ما دشينا
المهم بدأ العرض بعروض بهلوانيه وبعدين عروض الدولفين والفقم
والله سبحان الله طول ما انا يالسه اسبح واستغفر والله عرض عجيب سبحان الله يتصرفون شرات الانسان ويفهمن
يرقصن- بغنن- يلعبن يعني والله سوالف عجيبة استانسو عليها اليهال
وانصحكم اتزورزن ها العرض الرائع
المهم بخبركم عن الاسعار ان حبيتو
يوم الجمعه فيه عدة عروض بس اللي في الساعه 10 صباحا العرض ارخص يعني اليهال كل واحد 30 والكبار 50 بس باقي الايام اغلى وباقي العروض بعد تختلف الاسعار
في نهاية العرض يسحبون على رقم التذكره الفايزة والجائزه هي رحله في الحوض على مركب صغير يوجهه الدولفين
بصراحه عجيب لا يفوتكم
وتقدرون بعدين بعد العرض تركبون التلفريك
راااااااااااااااااااااااااااااااااااااائع والله
ويا الله اتونسو ويا عيالكم
وادعولي الله يخليلي اعيالي ولا يحرمني منهم ان شاء الله
المشكله ان موظف البلديه قالي اوك في عرض ومايعرف انهم موقفينه .. وسرت الحديقه وهناك قالوا لي هالخبر
يعني اللي يفكر يسير يأجلها لبعد اسبوع …
وبالتوفيق للجميع …
شوو كل واحد بيحط مزهريه على راسه
هههههههههه يبالكم صوره ^_^
تسلم اخوي
هههههههههههههههههههههههههههه ويبالك مسدس مال الماي مال اليهال اترش اي هندي ايدور جدامك
بس اهم شيء الحجز وفيه بهد رقم موبايل بس ما ادري انمسح من عندي
هههههههههههههههههههه استانس انا عاد ههههههههههههه
تستاهلون الفوز هههههه