السلام عليكم ورحمة الله وبركاته
اشحالكم عساكم بخير
اتمنا انه عدد كبير من الشباب يدخلون ويفهمون الموضوع
مثل مانعرف ان في مناطق يزخون الشباب على ادناة الشي ويمكن حتى الفلتر
لكن انا درست الموضوع و وصلت لنتيجه ان موترك يكون عزمه يعجبك لكن بدون صوت يعني حس الوكاله بس
بتقولون كيف .؟؟ انا ما برمس عن الفلتر لان الاغلبيه يركبون كي آند ان
بس برمس عن الهدرز و ( الدبة ) الوسطانية .. انزين كلنا يوم انزود نركب هدرز و الدبة ياتكون اوف رود وتكون مزعجه او انها داينمكس وفكلا الحالتين ينعرفون لانهن ما يعزلون الصوت
انزين بسألكم حد منكم يعرف ان شركة ( magnaflo ) الامريكيه تصنع دبات للنيسان والاستيشن بحجم ثلاث انج وكاتمه بنسبة 70% من الصوت
هالشركه معروفه عن تصنيعها للاقزوزات لاشهر السيارات وتقدرون تستفسرون عنها من خلال قوقل
الخلاصه هي .. اني خاطبت الشركه عالايميل و اكتشفت انهم يقدرون يصنعون دبة تكون عازله للصوت بنسبة 100% مثل حس الوكاله لكن تعطيكم أحصنه وعزم حلو
بس ما يقدرون ينصعون دبه ولا دبتين ويشحنونها … يبون مجموعة من الدبات يصنعونها يعني لازم الي يبون هالدبة يكون عددهم ما يقارب ال 9 او 10 اشخاص عشان ينصعونها
وسعر الدبه ما يقارب من 1000 درهم لأ 1200
طبعًا الاغلبيه يقولون ليش ندفع هالمبلغ على دبه … وانا اقول ان الدوريه لو توقفك ما بيعرفون الموضوع وبتحس بفرق العزم من دبة الماقنا فلو وبين الاوف رود والداينمكس وثاني شي بتكون مركب شي اصلي لموترك وهاي كوالتي و من شركه مشهوره
انا عن نفسي درست الموضوع واول خطوه سويتها ركبت فلتر itg بدالk&n
واكتشفت العزم اكثر و حس وكاله وهالفلتر يركب على بيبات الوكاله يعني الي بيبطل البونيت مابيشوف غير فلتر الوكاله
فآ تخيلو يعني … فلتر ريس مافيه حس + دبة مافيها حس + راس هدرز تغطيه بعازل الوكاله يعني عالبراد موترك يطلع 40 حصان وهو على حس الوكاله
فآ خلاصة الكلام الي يبي ياخذ الدبه ويايه يطرشلي رساله خاصه او يتصلبي لاني ادور ناس يشترون وياي الدبه ونكمل العدد عشان اخاطب شركة الماقنافلو ويصنعون لنا دبه فيها عزم بس حس وكاله
والسموحه عالاطاله وهذا رقمي
0506888980
الربع اي استفسار عالرقم لو سمحتو لاني ناقل الموضوع من الريال .. ونا داش وياه وندور شباب عشان نكمل العدد
دمتم بود
سلمتوو يا خواني عالردور الطيبه والله يوفق الجميع
ههههههههههه سبورتيه كل هذا عشان ما نتعب الدوريات عليناا والاهم ان نحافظ ع النضافه العامه من اوراق المخالفات
مايغلبكم شي يالشباب دام السالفه فيها تزويد
السلام عليكم
اخويه موضوع طيب
و انا متوهق في دبات
كل ماركب دبه وكاله تتكسر فلاتر الدبه لانه موتريه عليه سوبر و دبه ماتستحمل ضغط الهوى و تتكسر
فا ابا اعرف اايذا هاي الدبه تستحمل ولا لا
و اتريا الرد منك اخويه
لاني كل يوم ادور دبه تنفع للسوبر
موفق بإذن الله … لك مني أجمل تحية .
شـكــ وبارك الله فيك ـــرا لك … لك مني أجمل تحية .
شاكرا لك اخويه للمداخله الحلوة
والشركه غنيه عن التعريف