تبديل سفايف اللكزس Gs 430 2007

19 thoughts on “تبديل سفايف اللكزس Gs 430 2007”

1. حياك الله اخوي

   انا عندي نفس موترك وبخبرك بقصتي مع السفايف

   موتري جي اس 430 موديل 2007

   ذاك اليوم مريت الوكاله اريد ابدل السفايف لقيت زحمة خذت السفايف اصلية ورحت محل في ايرانيين

   المهم بدلو السفايف وخرطو الدرامات ويوم شغلت السياره البريك مايشتغل وضعيف يباله برمجه كمبيوتر

   التركيب حيا الله وكل مره يعكسون شي

   للاسف رحت الوكاله وسوولي البرمجه

   المهم اول امس بدلت الدرامات كاملة في الوكاله والفني عطاني نصيحة بذات في خراطة الدرامات

   المحلات الي خارج الوكاله تخرط من جهه وحده وعقب يخرط الجهه الثانية الوكاله انا شفت الجهاز يخرط نفس الوقت

   جهتين وبنفس القياس مو مختلف نفس شغل البنقال

   وفي النهاية اخوي انت حر اذا السيارة عزيزه عليك مو غلط تسير الوكاله في النهاية السياره سيارتك

   والله يعطيك خيرها ويبعد شرها

2. اللي تعرفه احسن عن اللي ما تعرفه عمر مشتاق بشارع الدفاع محد ما يعرفه فابوظبي كلها لكزس اشبلست خلك عن اللي يسوون دعايه حق كراجاتهم

3. أخــويه!
   لا الفطيم ولا دانا تريد!
   ولامحل محل متخصص ولا شي..
   لاعمر مشتاق ولا رحيم متوله!
   هذي لكزس! هب فانتوم!

   أنا عندي لكزس! كانت صالون is وبعتها واستخدمت 430 خليجـي.. فوق الـ سنتين! والحين عندي الـ 570 وأعرف ريال عنده جي اس 300 و واحد عنده 430
   وكل .. السفايف برع الوكاله!

   خل عنكـ رمسة الشباب ! واللي قالكـ ..لاتبدل إلا في الوكاله .. والله انه غشيمـ !
   عنبوه! انا من يومـ يومي وابدلهن في الكراج! ومافيهن شي!
   والله اني اذكر مره بدلتهن في الوكاله .. ويومـ ظهرت عنهمـ .. تم صوت السفايف عالق! فترة !
   أول مره قلت يمكن عوامل الجو “تستوي” فـ غسلت كذا مره وماشي فايده !
   وعقب رديته الوكاله! قالوا لي مافيهن شي! البريكات يمسكن! اونه صوت وبيروح! هب بيدنـا!
   المهمـ .. على طول طلعت من الوكاله و وديتها الكراج! وطلع سلمك الله .. ناسيين المسمار ! هب حاطينه! “مسمار صغير(برغي) ويقولون مافيه شي! حســــــــبي الله على عدوهمـ ..

   وبعديـــــــــن .. الحمدلله .. اللكزس من يوم يومه مافيه مشاكل!
   وكل الشباب يبدلون سفايفه خاري الوكاله .. إلا الشواب والعيـاااازيــن .. واللي مايعرفون شي في المواتر .. ” في ناس بس تسوق ومالها بارض في شي”

   اخويه ..
   انت تقدر تاخذ السفايف من أي محل قطع غيــار .. أصلــي..
   عندك في بوظبي..
   معــروف بـ كل فروعه .. معروف في صناعية بوظبي..
   الاحسن لقطع غيار السيارات.. تابع لـ معروف.. وارخص عن معروف..
   الكوكب لـ قطع غيار السيارات .. “هذا أيدد واحد واحسنهمـ .. وأغراض وكاله مضمونه .. ويحطلك السامان في أكياس الوكاله ..
   انت خذ السفايف.. واخرط الدر امات .. عندكـ .. ميزان الاسد .. لاصف في المسفر لقطع الغيار ..
   هذا ماشاء الله عليه .. شغل ماعليه كلامـ .. كل اللي عنده أساتذه في التركيب.. وهو يخرط الدرامـ في محل وييبلكـ اياه .. وجان معزمـ خبرنـي.. بييب لكـ أرخص الاسعار واضمن لك الشغل على مسؤوليتي..

   وعندكـ ورشة الكوكب .. ما بـ مدح لكـ الشغل.. انت مر وبتعرف .. وبـ تشوف المواتر اللي واقفه داخل..
   ولكـ أحلى سعـر .. والكراج كراجكـ ..
   عنوانه ..
   أول دوار في مصفح .. يسار .. ثاني دوار يميين .. تروح لين اليوتيرن وترجع.. اول لفه يميين .. وخلاف مب اول لفة .. لا .. ثاني لفة يسار.. وكمل سيده .. لــين .. ماتشوفه على يسـاركـ ..
   وجانكـ معزمـ .. خبرنـي.. بـ دليكـ اياه بـ التفصيل الملل .. وأذا ماعجبكـ الشغل .. أنا برد لكـ الموتر ..

   السموحه على الاطاله!
   

4. شي محل متخصص بس في اللكزس اسمه عمر مشتاق موجود بشارع الدفاع البنايه اللي عدال المستشفى على الشارع

5. بدلها وانت مطمن لانه مافي حساس مثل الـ 460

   دور لك محل محترم وتوكل على الله..

Comments are closed.