تبي مساعده من اي نوع في الابتداء بمشروع او دراسة جدوى او خسران بمشروع ..؟

السلام عليكم ورحمة الله وبركاته

اخواني طبعا مثل ماتشوف هاليومين ماشالله في طفره تعاونيه بين الاخوان في تقديم النصايح للتجار المبتدئين او المتمرسين والمتعثرين

بدايه نشكر الاخوان اللي نشوف اسهماتهم في المنتدى سواء من اصحاب المشاريع المتعثره لان خلونا نستفيد ان نفكر اكثر وكذلك اللي قدموا افكارهم ومجهودهم الخيالي عساهم على القوه وماقصروا صراحه نقدم لهم الف شكر ونحييهم على مجهودهم بارك الله لهم في عيالهم ومالهم

والكل يحاول يقدم خبراته وتجاربه وافكاره

فطبعا هالموضوع بعد يتبع موضوع التميز التجاري اللي بجائزه وقدرها 50 الف درهم لاحسن تميز بمشروع

بس لضمان عدم خلط اكثر من موضوع في مكان واحد ويضيع صاحب الموضوع واللي متعاونين معاه فبيكون هذا الموضوع لضمان عدم حصول هالشي

فرجاء لكل شخص عنده (( مشروع خسران )) او يبي (( الابتداء بمشروع ))

ان يكتب اللي يبيه بهالموضوع وبعدها كل مانخلص من مشروع نفتح موضوع جديد للمشروع اللي بعده وبهالطريقه الكل يستفيد ان شالله

ويكون كل موضوع يمثل مرجع لنوع محدد من المشاريع عشان الاغلبيه تستفيد ان شالله

ولكل شخص عنده خبره في مشروع ياليت يخليه هني او يفتح له موضوع جديد عشان يكون مرجع بعد لكل اللي حابين يدخلون بمثل نشاطه

ياليت تكون الفكره ووصلت وبانتظار مشاريعكم وطلباتكم وافكاركم وخبرااتكم

وبالتوفيق ان شالله لكل المبتدئين والمحترفين والمتعثرين وللجميع ان شالله