تجارتي والشباب

9 thoughts on “تجارتي والشباب”

1. بعد اتمام الصفقات سكري التلفون ولاتعلمين احد بوجودج

2. انزين اللى يطولها ويسولف قوليله كاش تبا تشتري حياك ماتبا اسمحلي انا مب مال دق سوالف ولا تعطينه ويه وخلي ويهج لوح واللي يغازل ويقل ادبه عندج رقم شرطه

   الامين يأدبهم 8004888 ..

3. السموحه منج اختي بس العنوان استفزازي نوعا ما

   البنت بإسلوبها هي اللي تخلي خطوط حمراء للشخص الاخر

   انتي بإمكانج تحددين هالخطوط

   بس انتي تعرفين ان هذا متزوج وقصة حياتهم

   يعني بعد عطيتيهم مجال

   يمكن عطيتيهم مجال بحسن نيه وقد يستغل البعض طبيبة البعض ويسوق فيها

   عاد البعض ما شاء الله يهل على البنيه اللي تبا تسوي تجاره … كله يعرف الشيخ فلان والعايله الفلانية والشيخه الفلانية والقصر الفلاني والشيخ عيبته الريحه ويبا ياخذ كميه ولازم نتلاقا حتى نتناقش بالتفاصيل وكلنا نستفيد والشيخه الفلانية تبا تتلاقا وياج وانا بدخلج القصر الفلاني …. الخ وكله من هالجذب والخرط والتاجره مستانسه وتقول وحليله بيساعدني والله انه طيب وهي ترسم على ان بضاعتها بتدخل القصر الفلاني وهو يرسم على سواد ويه.

   اعيد واكرر انتي او بالاصح التاجره هي اللي تحط هالخطوط الحمراء لعدم التجاوز ولا تنسين ان اصابع يدج مب مثل بعض
   تعاملت انا شخصيا مع اكثر من تاجره وتلاقيت ويا ثنتين وبصراحه كل وحده كانت تخليني استحي احط عيني بعينها من ادبهم واحترامهم عسى ربي يحفظهم ويوفقهم دنيا وآخره

   هالشي بإيدج انتي مب بإيد الشباب

4. فعلن اختي في هالزمن صعبه نصيحتي لج تعاملي اكثر شي ويا البنات ولو ان حتى شي من البنات مامنهن امان بس مب مشكله خلي تعاملج كله عن طريق المسجات وبس ولو عندج مندوب او مندوبه يكون افضل وربي يوفقج ولا يرحمنا من القلوووب المريضه والتافهه الي تستغل كل نقطه في المغازل

5. اختي هدي حالة كل تاجرة بس انا غير عنج انا ماحط رقمي على العام حطيته بس بمنتدى نسائي دافعة فيه اشتراك
   وتكتبين لااحلل من يتصل بي من الرجال وتقولين وجههم لوح مايخافون ربهم من اسمع صوت ريال طبعا اقفل على ويهه
   في الغالب اختي انا اتعامل برسايل اميلات فقط ومرتاحة الي يبي يطلب يطرش لي اميل بطلبه واخد بيانته واطرشها للمندوبة
   ومندوبتي بعد متزوجة هي من الفجيرة حاطة بس انها تستقبل مسجات اتصالات لا لانوريلها يهاوشها
   الله يهدي ماخلق اختي في ناس محترمة تطلب وفي بس الي حاب يغازل وماادري شنو
   بس نصيحة لج اكتبي استقبل مسجات فقط وارتاحي خلي عنج الاتصالات راح يحشرونج

Comments are closed.