أمس الصباح ولله الحمد اشتريت لي ستيشن Vx-r فل اوبشن جلد وفتحة وشاشة واسبيرين، خذتها، 230 ألف من بهوان، بحجز وضرابة، فبصراحة ما شاء الله تبارك الله ما عليها جلام، في قمة الروعة والفخامة، من ناحية سواقة وركبة حس انها غير عن الولية، حتى ان حنة المكينة اللي كانت في الأولى ما تكاد تسمعها في الجديدة، ومن ناحية العزم ما يحتاج، اخف عن الأولى، ومن ناحية الرحابة أوسح وأرحب من الداخل، وسواقتها قريبة من سواقة X5 الجديدة، وبالنسبة للبر بعدني ما طلعت فيها، لكن ناويلها على الويكند بنجربها ونخبركم عن هبتها في البر
55 thoughts on “تجربة قيادة الاستيشن الجديد 2008 – Vx-r”
Comments are closed.
مبروك اخوي ، والله يعطيك خيرها ويكفيك شرها
مبرووووووووك وتستاهل كل خير الغالي
يعني تقول نتوكل على الله ؟ نبا وحدة حق البيت ، ومحتارين بينه وبين الجمس لأن الجمس بينزلون يديد بعد بس أظني في نص شهر 12
بالبركه اخوي الفارس
لكن بالنسبة للرمل انتبه لان التواير يقفلن
علا رمسة ريال دخلها الرمل
الله يعطيك خيرها ويكفيك شرها
بس إستفسار عن السياره
——————————————————————————-
هل فيها هيدروليك أو لا ؟؟؟؟؟؟؟؟؟؟
يعني تقدر تتحكم في إرتفاع أو إنخفاض السياره؟؟؟؟؟؟؟؟؟؟؟
—————————————————————————————
وشكرا
ألف مبروك يالغالي ربي يعطيك خيرها ويكفيك شرها… دخييييييييييييلك خبرني عن الحنه اهم شي عندي الحنه لاعت جبدي من الأوليه وبعتها بسبت الحنه..!!