السلام عليكم احبتي واسعد الله مسائكم بكل خير
حبيت ان اشارككم بموضوعي المتواضع عن الحجز اون لاين للفنادق
صراحه انا كنت استخدم موقع Hotels.com للحجز قبل كم سنه لين ما صارلي موقف معاهم وهو اني كنت ناوي اطلع لكورس ولكن الشركه حقتي الغت التدريب بخصوص الازمه الماليه اللي صارت وخويكم حاجز ومخلص ولكن لما حاولت اراسلهم ردو على وقالوا مايمديك ترجع الفلوس وايميلات رايحه وايميلات جايه ولكن بعد قدره الله عز وجل وتدخل البنك تبعي ماكن رجع لي المبلغ
وبعدين حولت على موقع Booking.com على اساس انه رخيص والارخص اون لاين ولكن اتضحلي انه لما اروح للبلد اللي فيه الفندق يدفعوني ضريبه ما ادري من وين تطلع بس ويش نسوي ندفع يعني ندفع.
وبعد فتره ماهي بالقليله واحد من الشباب نصحني بالموقع هذا HotelsCombned يقولي انه يعطيك خيار بانه يعرضلك اسعار الفندق نفسه بس باسعار متفاوته منها اسعار ال Booking.com و Holidays و Hotels وغيرها وكمان يعرضلك اسعار الضريبه المخفيه اللي ماتبين الا لما توصل عند البلد المضيف …. ياحبيبي انبسطت صراحه من استخدامه
ما ودي اطول عليكم يمديكم تدخلون على الموقع وتشوفون بنفسكم قد ايش رهيب وسهل الاستخدام
ودمتم بخير
السلام عليكم ورحمه الله وبركاته حبيت اشاركم الموضوع ……..
انا عن نفسي كنت احجز عن طريق booking.com بس قلت ليش ماحجز انا بنفس صح انه الحجز عن طريق النت اسهل واحسن بس المشكله الي اكتشفتها انه موقع الانترنت ياخذ عليك مبلغ اكثر عن مبلغ سعر الفندق فرضن انا كنت بحجز في فندق في أبوظبي هوه الانتر حصلته عن طريق النت والموقع 860 ولاكن يوم كلمتهم شخصين ووصلت لهم حجزته ب 750 يعني في فرق في السعر حبييت التوضيح للجميع …..وارجو انه وصلت المعلومه ….
اخويه ينفع نحجز عن طريقه في فنادق داخل الامارات ؟؟
وهل بيكون ارخص عن الحجز من الفندق نفسه يوم نسيرله يعني ^^
؟؟؟؟
س حبيت اوضح لك وللاخوان نقطه مهمه
هالموقع يعتبر من المواقع HotelsCombined اللي تبحث لك عن الفندق اللي تبيه وعن طريق اكثر من موقع ومن ضمنهم booking.com و hotels.com وغيرهم
بعض مواقع الحجز تطلع لك الضريبة وبعضها لا مثل البوكينغ ..ويكتب لك السعر غير مشمول الضريبه
فكل اللي عليك انك تبحث عن ضريبة البلد اللي انت رايح له وتضيفه على سعر الغرفة..
والشي الثاني في هالموقع وغيره مثل موقع حجوزات و موقع فندقكم..تطلع لكم شركات الحجز من الاقل سعرا إلى الاعلى سعرا
بس لازم تفكر في شي وهو ان بعضهم يعرضون السعر بالدولار وبعضهم يعرضون السعر بعملتك المحليه
وشي طبيعي لما تستخدم الكرديت كارد فان سعر عملتك المحليه بيكون ارخص لك
لان في فرق في تحويل من الدولار إلى العمله المحليه وهذي غير الجارج اللي بياخذونه عليك لانه عمله اجنبيه
حبيت اوضح هالنقاط..وانا اعتبرها مهمه في حاله الحجز والمقارنه بين موقع والثاني..لان صادفتني بعض هذي الامور وحبيت يستفيد منها الاعضاء.
…
الشكر لله اخي وشكرا على مرورك
شـكــ وبارك الله فيك ـــرا لك … لك مني أجمل تحية .