السلام عليكم ورحمة الله وبركاته
من فتره وانا ضد هالسياره واقول ما تستاهل سعرها .. و نهاية اليوم ياباني .. لكن يوم جربت السياره تغيرت وجهة نظري 180 درجه .. وين 180 .. 360 درجه .. سياره بالفعل من افضل السيارات الرياضية على الأطلاق .. سياره رياضية بكل معايير القوة و الثبات .. سياره من افضل ما انتجت شركة نيسان ..
الأشياء الي عيبتني في السياره :
اول شىء .. فخامة السياره وهيبتها من الخارج .. و الرنجات الكبيره .. من الداخل فيها كل شىء .. من تغيير الجير في السكان الى شاشه بنفقيشن الى تشغيل السياره بالزر .. فيها كل شىء ما شاء الله .. وبعد السياره واسعه من الداخل .. ما تحس انك راكب سياره ( باب واحد ) ..
اما عن المكينه .. بصراحة ……. لا تعليق .. في حدود 3 ونص ثواني تييب ال 100 .. و كلمة طياره شوي فيها .. والثبات فيها من اروع ما يكون .. في السرعات العالية 
.. وعلى اللفات .. و على صوت السياره هذا موضوع ثاني .. وقصة ثانية .. و فلم ثاني .. تسمع التيربو .. و تسمع الأكزوز .. و تسمع الى تباااااااه وصدقوني كل ما تسوق السياره ودك تسوق اكثر سياره بالفعل احلى ما يمكن
الأشياء الي ما عيبتني في السياره :
شىء واحد فقط . وهي تسمع تغيير الغير فيها واضح .. و ويمكن يتعدل في الدفعات القادمه .. لكن حلو و شىء طيب
على العموم ال 7 سيارات الي وصلن عند المسعود امريكيات بس وارد للمسعود .. و الدفعه الخليجية بتنزل على شهر 1 .. او بالكثير 2 .. السيارات كلهم انحجزوا بدون ذكر العدد … و الي يميز السياره هذه .. كل سنه الوكاله تصنع 2500 للعالم كله !!!!!!!!! يعني انت مميز يا راعي الجي تي
الي عنده اي سؤال يتفضل .. انا حاظر ..
عاشق البورش قديما .. و حاليا عاشق ال GTR
السموحه
هذه بعض صور السياره
بالتوفيق
بخصوص السعر اخوي فاليابان فل ب 280 الف درهم
وعلى فكرة واصله البلاد للمسعود ب 305 الاف درهم للسيارة
وهي المفروض تنزل عندنا بالكثير 330 الف لكن بعدها يديده و باخذ وحده ان شاءالله بس بعد موديلين عالاقل لاني اريد اكدها بدون مشاكل
ويعطيك خيرها ويكفيك شرها الغالي واحسنت الاختيار
انا سمعت انه فيها لعبه بلي شتيشن ثلاثه
شكرا لعرض تجربتك
موتر جديد وودنا نعرف اى معلومة عنه
هلا وغلا حبوب ..
التكييف بارد جدا … ومافيه مشاكل
مثل الأنفينيتي 
الموتر مفتوح الكترونيا
نعم زينون
حاليا المواتر الموجوده ( تم تصنيعها للأمريكا مب للخليج ) و ان شاء الله بيبدأ خط انتاج سيارات الخليج في بداية شهر 9 و ان شاء الله بيوصلون الأمارات بشهر واحد او 2 بالكثير .. فالموجود فيه خريطة امريكا مب الخليج بس الي بيوون شهر 1 .. بيكون فيهم مب بس خرية الخليج .. بيكون فيهم خريطة الشرق الأوسط
جربت شوي مب وايد ويا اودي ار 8 بس ما كان عندي مجال
بتنصدمون من الأسعار يوم تعرفوها بحقيقتها .. ما عليكم من اسعار المعارض !!!!! السياره بتكون ارخص بكثير ان شاء الله
ليش بورش سابقا .. بتعرف يوم تجرب السياره
مرحبابك في اي وقت