تجربتي ويا معـــــــارض العويــــر .!!

41 thoughts on “تجربتي ويا معـــــــارض العويــــر .!!”

1. بوقلك شي بس بدون حساسيه و زعل

   عيال البلاد ياخوي يبون حد يدلعهم و يحلفلهم و يقص عليهم

   ادخل مواضيعي و بتشوف كم رد مجرح على بعض السيارات

   لو اني ايهم بسلوب بوزلام هذا الي يبونه بس لاني ولد البلاد و صادق بحلالي هني جلبوني نصاب و اكبر حرامي

   انا بيماكني ايب موتر من امريكا مغروق و مدعوم و اسويله كلير تايتل(انظف الملكيه) و بدون مايطلع شي بالكارفاكس بس اول شي انا مسلم و الحمدالله انخاف الله و ثاني شي انا ولد البلاد لو تروح بوظبي و تسال عني بيدلونك بيتي يعني لو سويت حركات بوزلام وين بروح عن عيال بلاد و اهلي و ربعي

   اما الي يقصون على عيال البلاد كم سنه و هم برع البلاد

   للاسف ربعنا و اهلنا يبون واحد يقص عليهم و يحلف و عقب يتندمون بس من ولد البلاد يوم يصدق يجذبونه و يقلون عنه سعره غالي و حرامي

   ياخوي انا اقدر ايب مواتر و اطلع من وراهم ذهب مدعومات و مصلحات بس ليش اقص على العالم لييييش يابوي الله موجود

   ياخوي حكومه بوظبي هذا الكلام مب لك هذا لغيرك و انت اخ فاهم السالفه من كتابه الموضوع

   بس بخبرك شي انا امس ماخذ سيارات مدعومه و الحين في الكراج يالس يتصلح و اليوم بروح اصور الموتر و باجر ان شاء الله بنزل الموضوع اباك اتابع الموضوع الي بنزله انا بكتب شو الدعمات و شو الي اتبدل في الموتر و انا متاكد اني بحصل ردود تجرح و ردود ماله داعي و كل هذا لاني صدقت في سلعتي

   ولو اني واحد من قوم فادي و اياد و احلف جذب في الموضوع انه المواتر نظييييفه بتلقى ردود ولا اروع لانه يبون واحد يقص عليهم و للاسف هايل ربعنا في الامارات

   اباك اتابع الموضوع الي بنزله و انت بروحك بتشوف بعض الردود و بتضحك و بتذكر كلامي ههههههههههههه

   امس دخلت موضوع اقرا واحد من اعضاء المنتدى يقول اشتري من زلمه ولا اشتري من ولد البلاد يوم قريت رده انقهرت عقب فكرت في كلامه و نقعت ضحك لانه هالاشكال يدورون من يقص عليهم ههههههههههههههههههههههه

   اقول
   و انا ولد بلادكم سالم السويدي وين رحت ؟؟؟

   اخوكم ولد البلاد سعود البكر الزعابي ويييين راح ريال له خبره اكثر من اي حد في الوارد و اتدورون الاجنبي يقص عليكم؟

   و اختنى ون برسن وين راحت ؟

   و الحمادي ملك التندرا وين راح ؟

   و لو اكمل ايب اسامي التجار الاماراتين في امريكا مابخلص

   و في النهايه الاخ يقول لو اتعامل مع زلمه ولا اتعامل مع الولد البلاد و حاط هالتفكير في راسه ماقوله غير عيييييييييب عليك و استحي على ويهك ابونا زايد الله يرحمه ربانه على الخير و طلع الشعب الاماراتي ريايل و قد الكلمه ماعندنا حركات نصب و حلف

   المهم ياخوي اسمحلنا على التحرطيم هههههههه

   و ان شاء الله ربيعك يلقى موتر نظيف ان شاء الله

   ربي يحفظكم و يبعدكم من عيال الحرام (قولو امين)

2. ممكن سؤوال للإخوان .. ليش كل موضوع ينطري فيه معرض أو موقف معين أو حادثة معينة .. نحشر فيه الجنسية ونبدأ بالتعميم ..

   ومثل ما ذكر أحد الإخوان أعلاه … معارض العوير .. يبيعون صفقات خارجية وبالجملة .. ومن غير المعقول إنهم .. يسايرون اللي بيشتري سيارة وحدة .. هذه بديهية …

   أنا لم ولن أكون مدافع عنهم ..

   أنا فقط ضد فكرة التعميم وحشر الجنسية واللون والرمسة ..

   ونصيحتي لأي شخص مقبل على شراء موتر ومن تجارب شخصية … استخر ربك .. استخر ربك .. استخر ربك ..

   والخير فيما اختاره الله ..

   والله ولي التوفيق ..

3. السلام عليكم

   شباب اذا اصبوع ايدكم يتشابهن معناته كل معارض السيارات حراميه

   (ان لم تكن ذئب اكلتك الذئاب)

4. هههههه

   والله معارض العوير بو الزلم فيها حركات

   اذكر سنه 2008 بالظبط .. مطلعين اف جي اللون اليديد البيج من الفطيم ..

   خليتهم يلحقوني شرات الهووش بسياييرهم من شارع لشارع وخليتهم يلفون دوره كامله .

   اونه بيع ولا بنبادلك بافجي لون ثاني .

   لابارك الله فيهم ولا فسياييرهم كنت ادور هذيك الايام استيشن لكزس موديل 2007 . كلهن مخشعات واسعار ضاربه فوق

5. اذا تشتري من معرض يحاول ينصب عليك

   اذا تشتري من واحد يحاول ينصب عليك

   مرات تشتري من الوكاله و تطلع عيوب مصنعيه و ما يعدلونها لك

   يعني الواحد يركب حمار ابرك له !!

Comments are closed.