تجربتي ويا معـــــــارض العويــــر .!!

41 thoughts on “تجربتي ويا معـــــــارض العويــــر .!!”

1. السلام عليكم شباب . وانا صارلي موقف في معارض العوير يا اخواني اتحملوا منهم . كنت باخذ بورش كريرا من احد المعارض المشهوره والراقيه عندهم ؟؟؟ما بذكر اسمه مع ان يستاهل الفضيحه . المهم الموتر مثل ما شفناه عندهم كان ماشي 50000 كم تقريبا . ويقول صاحب المعرض ان الموتر مال واحد من ربعه ومب راضي ينقص في السعر الا شي بسيط يقول لو سيارتي بنقص لكم
   اكثر اتعرفون رمستهم مال المعارض ويقول ان الريال يستخدم الموتر بس في الويك اند بس . المهم ربيعي شك ان ها الموتر موتر
   واحد من ربعه . مره اتصلنا في صاحب السياره قال فعلا انا اموقف سيارتي في المعرض الافلاني يعرضه لي للبيع وسألناه
   كم ماشي موترك ؟ قال لنا 150000 كم . اتخيلوا والريال صاحب المعرض يحلف ان الموتر ماشي 50000 كم بدون اي تعديل
   في عداد الكيلو . انصدمنا من الموقف..و بعدها حرمنا انسير معارض العوير ( 80% منهم ينزلون الكيلو ) أقولها وأنا متأكد من كلامي. اتحملوااااااااااا من معارض العوير . لا واللي يقهرني يوم الشباب يقولون سياراتهم نظييييييفه بس اشوي غاليه .

2. ما انصح بمعارض العوير مووول

   بعدين خويك دافع فوق 150 الف

   بخذ لي استيشن 8 استاندر اخير

   مويل السنة
   وضمان وكالة
   اخير

   دامك انة ما يبا النيسان

3. اخوي لاتاخذ من المعارض خذ استخدام شخصي

4. النصاب ينعرف على طول والشاطر يعرفه من اول كلمه

   اللي بييلس يكثر كلام وحلفان والخ اعرف انه خريط
   واللي بسويلك فيها انا الامين.. بقولك والله الموتر مصبوغ مدعميه قدام بس ( شوفني انا الامين) ومناك الموتر مصبوغ كامل)
   واللي بطلعلك ست مية الف ورقة وتشييك والخ هذا نصاب

   بحياتي كلها ماشفت معرض صادق

   عيل انا احيد خذت كابرس 2002 ويوم خذته وخلصت الريال عطاني ورقة من المرور مكتوب فيها ( المركبة محروقه+تصريح صبغ)

   عموما خذت حقي ورديت الموتر عليه وريله فوق راسه

   والمره الثانيه خذت فورد لينكون الريال راش الموتر من تحت ديزل لين ماقال بس وتم يمدح الموتر
   خذت السيارة وفحصتها عند محل وطلع انه الموتر مصبوغ كامل+ القير مصلح+ الوالات تعبانه+الموتر عزمه طايح+ ساعة الهوى خربانه

   يعني اللي بيشتري لايضيع وقته على طول تبيع؟ نعم! اوك هات بفحص

   وبس اختصر الموضوع عليك وعليه

5. يمكن السيارة كانت لواحد من الشباب مركب عليها سستم ومسوي برمجة …كانت ماشية 40 ألف

   وباع السيارة والحرمة اشترت السيارة ومشتها 1000 كيلو ..وردت باعت السيارة ..

   ممكن ولا مش ممكن..؟؟؟

Comments are closed.