السلام عليكم
شحالكم ؟؟
ياخواني من يومين رحت معارض العوير ويا ريال … وليتني مارحت .!!
حليله كان عنده فتك 2009 ,, واحد دعمه وجلبه فالعين ,, فقال بس تعبت من النيسان كل ماياخذ واحد لازم يستويله شي ,,
فقرر انه ياخذ كايين جي تي اس ,,
حصلنا وحده فمجلة الاوتو تريدر ,, فرحنا نشوفها ,,
يوم وصلنا هناك ,, رحنا عند المعرض نشوف البورش
البورش بصراحه داخليا وخارجيا نظييييييفه ,, بس يووم يينا للتفاصيل ,, انصدمت من وايد اشيا .!!
اول شي الريال ……. وااااايد يحلف بدررجه غير طبيعيه .!!!
كل مايقول شي يقول قبلها كلمة قسم بالله ولاا والله العظيم .. وعزة ربنا .!!
اقوله انزين الله اعز عنك لاا اتم تحلف واايد .. وهو مصر الا يحلف ..
ثاني شي شباب انا انصدمت من ممشى الموتر
فكروو ويايه بالعقل .. الموتر ع قولته استخدام حرمه من العين ,, ويحلف ان الحرمه ماتسرع فيه فوق ال 120 ولاا تحب الحشره والدعاس .!! ,, ومركبه اكزوز سستم تفصييل وصوته حشره .!!! وعليه برمجه .!!!
هاي مشيناها ,, ثاني شي الموتر مدخل تجييك ال 40 الف من سنه كامله .!!! والحينه الموتر ماشي 41 الف .!!
بالعقل طول هالفتره الحرمه مشت الموتر 1000 كيلو بس ؟!!
الشي الثالث اونه الموتر مشراي من الحرمه قبل 4 ايام ,, ب 195 الف .. ويحلف ويقول شوفو الفواتيير وشوفوو وشوفوو ., حشى 6 فواتير ع نفس الموتر .!!! ويبا يبيعه ب 190 الف .!!
يعني بيخسر 5000 درهم عسب يبيعه ؟!! انا عرفت ان السالفه ومافيها ان الموتر منزل الكيلوو وان اكيد الحرمه باعته ب 170 وهو سجل فالفاتوره 195 شرات ماقال واحد من الاعضاء قبل يوم باع موتره ..
يعني ابدا مافيييه اي مصداقيه فالبيع .!!
عقب قلنا بناخذ لفه نشوف المواتر وبنرد له لو ماشي امل ,, رحنا وشفنا المواتر ودرنا فكل المعارض ,, بصراحه ابد ماشي مصدااقيه والاسعاار فووووووق ,, عنبوو ورافعين خشومهم مادري ع شوو ,, نقولهم كم سعر هالموتر يردون علينا سعرنا جيه تبا تبا ماتبا شوف غيرنا .!!!
عنبوو انا ياي اشتري ولاا ياي اشحت ,, قسم بالله تندمت لاني رحت هالمعرض ,,
لو رايح معرض صناعية العين عند الشيبان قوم بو الكروزرات والفتكات والاستيشنات ابرك 
ازيــــــــــدكم من الشــعر بيــــت
عندي روؤس شاحنات وصناديق كنت عارضها في مصفح (ابوظبي) للبيع ,,, وكان اكثر الي يتصلون من تجار واصحاب معارض العوير.. تدرووون شو يسووووون … كان يعطيني سعر جمله ثابت ويروح ,, ويقوووم يخلي النصابين ربعه او شركاؤه يتصلون علي على اساس انهم زباين وكانو والله يعطوووني اسعار وااايد تعبانه وتحت كله هذا عشان ابيع لربيعهم وكان بعضهم يتصل ومايعرف شو الي انا عارضنه للبيع ولا مكان العرض .. بس يتصل جذي يبخس في السعر
المهم الحلف والقسم ترى يمحق الربح
مشكوريين كلكم ع المرووور ^^
هي نعم وانا حرررمت كانت اول واخر مررره
وبخصوص اخويه السويدي ,, لاا والله بالعكس ع العين وع الراس وانا من متابعي مواضيييعك وماشالله عليييك مثاااااال للتاجر المواطن ,, الله يعطيك كل خير ياخويه وان شاء الله لو صار نصيب بناخذ موتر من مواترك ^^
وبخصوص ردود الاخوان اسمحولي طولت شويه ومافيني ارد على كل واحد ههههههههههههه
وبخصوص الموتر لاا الموتر ون اونر ع قولتهم الحرمه مطلعتنه من الوكاله ومبرمجتنه ومركبه اكزوز سستم وماتسوق فيه فوق 120 ههههههههههههههههه ,, شرات الي ماخذ بوقاتي ويمشي فيه 100
خلووها ع الله الحمدلله ماخذنا موتر من عندهم
يقولك في بعض الدول المجاورة القاضي مايقبل شهادة وحلف تاجر السيارات المستعملة
سالفة سيارة وحده من العين وما ماشية وايد مرت علي قبل كم سنة في معارض العوير….عنبوه غيرو الجذبه عالاقل….نفس البنغاليه يوم يبون يطلبون بيزات يقولون لك بابا مريض ماما موت لووول
بشكل عام اغلب التجار واللي ماسكين الاسواق في دبي خصوصا ..الضمير منعدم عندهم…*الا من رحم ربي…
كفيتو ووفيتو اخواني وصح لسانكم