تجربتي ويا معـــــــارض العويــــر .!!

41 thoughts on “تجربتي ويا معـــــــارض العويــــر .!!”

1. صح معارض العوير مغلين بسعارهم والاجانب هم اللي رافعين سوقهم ونادري ما اسمع انه في واحد ماخذ من عندهم سياره وعن نفسي مره بس خذت منهم سياره بس كانت زيرو لانه اللون ماكان متوفر بالوكاله وخذته بسعر اغلى وانا راضي لاني مب محصل
   وبخصوص المعامله انا عن نفسي كم مره ساير معارض العوير الصراحه ماشفت شي على معاملتهم بالعكس يقربوني عندهم وسولف وياهم ويخبروني عن السياره وفي بعض الشباب الله يهديهم يوم انهم يكلمون راعي معرض عن سياره جنه شغال عندهم وشي طبيعي انه بيرد عليهم رد بالمثل بس يوم انه بيشوفك راعي سنع صدقني ولا اكبر شنب يروم يغلط عليك بكلمه وينقص من قدرك
   وانا كم مره عرضت سياره للبيع في هالموقع وغيره بصراحه اكثر اللي يتصلون لا يبون يشترون ولا غيره بس ضرب سوالف ولا انه يتصل ويكلمني من طرف خشمه جني اترجاه يشتري السياره وجنها طايحه بجبدي وانا مالومهم اصحاب المعارض بصراحه المفروض اعطيهم شهادة تقدير على طولت بالهم انا حرمت ابيع سياره على الشباب لانه صادفتني وايد مواقف
   وابركلي اسير معرض وبيع ولا ايلس على فلان وعلان ومثل ماقالو الاخوان يوم ايي واحد ويسوي للسياره بولش من داخل وبرع ويحولف انها مب مدعومه يستانس ويربع يشتريها ويوم انه ايي واحد يقوله السياره نظيفه ومافيها شي بس مايقعد يتمدح بالسياره ويعطيه سعر رخيص يقول ايواااااااا عطاني سعر رخيص لانه اكيد في السياره شي
   وبعدين هذا معرض في الاخير لازم بيشتري السياره ويزيد اشويه من قيمتها ولا من وين بيدفع الاجار ومعاشات العمال والكهربا وفايدته ولا على بالكم فاتح المعرض سبيل

   انت شكلك فاهم الموضوع غلط

   انزين سوالف وضحك ويرلك ويقص عليييك .. هذا الي انتوو تبوونه تبون حد ينصب عليكم ويضحك عليكم وعقب تصيحوون من تاخذون الموتر وتقول توني اعرف انهم نصابين ..

   ياخويه شي منهم تعاملهم حلووو ماقلنا شي

   بس شي منهم من تكلمه باحترام يرمسك من طرف خشمه بس جيه عناااد .. وشي منهم يتم يحلف ويحلف ويحلف جنه حد يالس يركض وراه

   ونحن يالسين نحاوط وشالين الكاش فايدينا ندور موتر محد عبرنا .!!!

   الي يحلف ويجذب والي يرمسنا من طرف خشمه ..

   ونحن مابنيلس نترجاهم عسب ينقصون فالسعر ولاا يبيعون لنا بعد ..

   ومشكوورع مرورك

2. صح معارض العوير مغلين بسعارهم والاجانب هم اللي رافعين سوقهم ونادري ما اسمع انه في واحد ماخذ من عندهم سياره وعن نفسي مره بس خذت منهم سياره بس كانت زيرو لانه اللون ماكان متوفر بالوكاله وخذته بسعر اغلى وانا راضي لاني مب محصل
   وبخصوص المعامله انا عن نفسي كم مره ساير معارض العوير الصراحه ماشفت شي على معاملتهم بالعكس يقربوني عندهم وسولف وياهم ويخبروني عن السياره وفي بعض الشباب الله يهديهم يوم انهم يكلمون راعي معرض عن سياره جنه شغال عندهم وشي طبيعي انه بيرد عليهم رد بالمثل بس يوم انه بيشوفك راعي سنع صدقني ولا اكبر شنب يروم يغلط عليك بكلمه وينقص من قدرك
   وانا كم مره عرضت سياره للبيع في هالموقع وغيره بصراحه اكثر اللي يتصلون لا يبون يشترون ولا غيره بس ضرب سوالف ولا انه يتصل ويكلمني من طرف خشمه جني اترجاه يشتري السياره وجنها طايحه بجبدي وانا مالومهم اصحاب المعارض بصراحه المفروض اعطيهم شهادة تقدير على طولت بالهم انا حرمت ابيع سياره على الشباب لانه صادفتني وايد مواقف
   وابركلي اسير معرض وبيع ولا ايلس على فلان وعلان ومثل ماقالو الاخوان يوم ايي واحد ويسوي للسياره بولش من داخل وبرع ويحولف انها مب مدعومه يستانس ويربع يشتريها ويوم انه ايي واحد يقوله السياره نظيفه ومافيها شي بس مايقعد يتمدح بالسياره ويعطيه سعر رخيص يقول ايواااااااا عطاني سعر رخيص لانه اكيد في السياره شي
   وبعدين هذا معرض في الاخير لازم بيشتري السياره ويزيد اشويه من قيمتها ولا من وين بيدفع الاجار ومعاشات العمال والكهربا وفايدته ولا على بالكم فاتح المعرض سبيل

3. صدقت اسعار مرتفعه ومعامله لا تعليق

4. اكبر

   x

   على معارض العوير والي يشتري ويبيع من عندهم ما فيه مخ

5. بوقلك شي بس بدون حساسيه و زعل

   عيال البلاد ياخوي يبون حد يدلعهم و يحلفلهم و يقص عليهم

   ادخل مواضيعي و بتشوف كم رد مجرح على بعض السيارات

   لو اني ايهم بسلوب بوزلام هذا الي يبونه بس لاني ولد البلاد و صادق بحلالي هني جلبوني نصاب و اكبر حرامي

   انا بيماكني ايب موتر من امريكا مغروق و مدعوم و اسويله كلير تايتل(انظف الملكيه) و بدون مايطلع شي بالكارفاكس بس اول شي انا مسلم و الحمدالله انخاف الله و ثاني شي انا ولد البلاد لو تروح بوظبي و تسال عني بيدلونك بيتي يعني لو سويت حركات بوزلام وين بروح عن عيال بلاد و اهلي و ربعي

   اما الي يقصون على عيال البلاد كم سنه و هم برع البلاد

   للاسف ربعنا و اهلنا يبون واحد يقص عليهم و يحلف و عقب يتندمون بس من ولد البلاد يوم يصدق يجذبونه و يقلون عنه سعره غالي و حرامي

   ياخوي انا اقدر ايب مواتر و اطلع من وراهم ذهب مدعومات و مصلحات بس ليش اقص على العالم لييييش يابوي الله موجود

   ياخوي حكومه بوظبي هذا الكلام مب لك هذا لغيرك و انت اخ فاهم السالفه من كتابه الموضوع

   بس بخبرك شي انا امس ماخذ سيارات مدعومه و الحين في الكراج يالس يتصلح و اليوم بروح اصور الموتر و باجر ان شاء الله بنزل الموضوع اباك اتابع الموضوع الي بنزله انا بكتب شو الدعمات و شو الي اتبدل في الموتر و انا متاكد اني بحصل ردود تجرح و ردود ماله داعي و كل هذا لاني صدقت في سلعتي

   ولو اني واحد من قوم فادي و اياد و احلف جذب في الموضوع انه المواتر نظييييفه بتلقى ردود ولا اروع لانه يبون واحد يقص عليهم و للاسف هايل ربعنا في الامارات

   اباك اتابع الموضوع الي بنزله و انت بروحك بتشوف بعض الردود و بتضحك و بتذكر كلامي ههههههههههههه

   امس دخلت موضوع اقرا واحد من اعضاء المنتدى يقول اشتري من زلمه ولا اشتري من ولد البلاد يوم قريت رده انقهرت عقب فكرت في كلامه و نقعت ضحك لانه هالاشكال يدورون من يقص عليهم ههههههههههههههههههههههه

   اقول
   و انا ولد بلادكم سالم السويدي وين رحت ؟؟؟

   اخوكم ولد البلاد سعود البكر الزعابي ويييين راح ريال له خبره اكثر من اي حد في الوارد و اتدورون الاجنبي يقص عليكم؟

   و اختنى ون برسن وين راحت ؟

   و الحمادي ملك التندرا وين راح ؟

   و لو اكمل ايب اسامي التجار الاماراتين في امريكا مابخلص

   و في النهايه الاخ يقول لو اتعامل مع زلمه ولا اتعامل مع الولد البلاد و حاط هالتفكير في راسه ماقوله غير عيييييييييب عليك و استحي على ويهك ابونا زايد الله يرحمه ربانه على الخير و طلع الشعب الاماراتي ريايل و قد الكلمه ماعندنا حركات نصب و حلف

   المهم ياخوي اسمحلنا على التحرطيم هههههههه

   و ان شاء الله ربيعك يلقى موتر نظيف ان شاء الله

   ربي يحفظكم و يبعدكم من عيال الحرام (قولو امين)

   محشوم يا خويه عن الرمسه اللي اتيك والله يعز بمقامك وماعليك من رمسة العذال تراه رمستهم لا تزيد ولا تنقص ولا تحر عمرك عشانهم وخلهم ينطبون هم وعيارتهم وقولهم ” ماهمنا من قال قوله ضدنا حدن سفيه وحد من حسادي “.. والله يوفجك ويسهل أمورك وأمورنا دنيا وآخره..

Comments are closed.