تجميع#تصريف#شورت سيل#تدوير#مكشوف#

السلام عليكم

ياجماعه عن يقصون عليكم
يوم تجميع
يوم تصريف
يوم تدوير
يوم شورت سيل
يوم سوق امريكا نازل
يوم سوق السعوديه مرتفع
يوم دخول الاجانب
يوم خروج الاجانب
يوم رشه
يوم لمت اب

اصلا الي يستوي لعبه في لعبه

شو يعني في يوم السوق كامل لمت داون واليوم الي عقبه السوق كامل لمت اب واليوم الي عقبه السوق كامل لمت داون؟؟؟؟؟؟؟؟؟؟؟؟؟؟؟؟؟؟ والله يعلم باجر شو

لها الدرجه مصخره

لا اخبار تمشي ولا مقاييس لاي قيمه دفتريه او ارباح تمشي

صح الاسعار الي وصلت لها الاسهم مناسبه وتستاهل سعرها
بس ما يمصخرون بالناس جي

سهم سوق دبي شو اخباره؟؟ شو ارباحه ؟؟ بتعرفون قريب

يا جماعه خلكم من هاللعبه الي يلعوبنها فيكم والي عنده اسهم يخليها و الي ماعنده يتفرج
وخلهم يتناحرون روحهم

حرام حد منكم يكون لعبه في ايد ناس ما تخاف الله

اصلا الي يصير مب الا مصخره الا مب حلوه في حق حكومه الامارات جان كم سبال في السوق يلعب فيه كانه سوق خضره مب سوق اسهم

لا تلومون الهيئه ولا تلومون اداره السوق

(الي يسوي عمره سبوس تلعبه الدياي)

يوم ينزل سوق امريكا ويرتفع سوقنا قالو سوقنا ما يخصه سوقنا قوي
ويوم يرتفع سوق امريكا ويرتفع سوقنا قالو ترا مربوطين وياهم
وشوي رشو السوق قالوا سوق السعوديه فاتح نازل

انا الصراحه على الي شفته اول امس وامس واليوم
لعبه في لعبه

وانتو الكم القرار

بس حرام اذا حد عنده عيال يدخل فلوسه في السوق عياله احق فيهن ولا ياخذونهن هالخمه
بالعقل العالم كله نافد والاسواق نازله لاقل مستويات تاريخيه ويفلسون … ويقصون علينا في الاعلام والتلفزيون و يقولون سوقنا غير واقتصادنا قوي ويخلون الناس تطمن وبوقفل خط يالف علينا
واخرتها يدخلون الاجانب يلعبون بسوق دبي لعبه ويظهرون

يعني سهم العربيه يتداول على اللمت اب 1.02 ب 40 مليون سهم تدوير وثاني يوم 100 مليون يتداول على 0.94 شو يتمصخرون على الناس

تمو الاجانب هم المستفيدين عندنا حتى في عز الازمه

وجذااااااااااااااااااااااااااااب من عينه الي يقول ماشي ازمه كل يوم خبر قرض ودين وسندات وكفت والفضايح بتطلع كلها عقب – لانه الشفافيه زايده عندنا

انا الصراحه الاسهم الي عندي بخليها لا ببيع ولا بشتري لانه لين الحين سعرهم زين صح كنت متفائل بس اذا تستوي المصخره عيني عينك ولا حد يتكلم من حكومه وسوق وهيئه هاي قمه المصخره وخلهم يتناقعون روحهم الحين

قمنا ما نعرف منو الصادق من الجذاب