السلام عليكم و الرحمه

من فتره سرت أسواق المدينه في ام القيوين

و اشتريت درزن ملح 8 حبات بـ 10 دراهم

المهم استخدمت دبه و نص عقب اكتشفت انه الملح ما يذوب في الأكل شو السالفه

ذوبته في ماي و ما ذاب

و بعد الملح وايد خشن و ماينكسر ولا يذوب اتحسبته زجاج

و بالباجر وديته بلديه ام القيوين و دخلوه المختبر و ردو عليه انه الملح من النوع القاسي و الي ما يذوب بسرعه و طلع بعد فيه رمل

شكلهم طاحنين لنا صلبوخ و قالوا ملح قاسي

بلديه ام القيوين قالت انها بتسحب المنتج من السوق بس يوم طالبت بـ الإعلان للجرايد عشان الناس تتحذر منهم قال المصري : نحنا مش عاوزين نعمل بلبله.

احين منوا المسؤول اذا ها الملح الي ما يذوب سبب امراض للمستهلك ؟؟ وين حمايت المستهلك؟ ليش ينزلوا السوق مواد استهلاكيه بدون فحص وينهم ؟؟؟

أحين انا شفته الحمد لله بس الي عندهم البشاكير يطبخن ياغافلين لكم الله سيروا جيكوا على ملحكم ^.^

هذي صور الملح المغشوش

شوفوا كيف الحبات كبار >.<

و اخيرا اقول حسبي الله و نعم الوكيل فيهم

الموضوع جهد شخصي ^.^ <<

إحترامي
فتــكـ بدويـــــهـ

9 thoughts on “تحذير:ملح مغشوش و أثبت وجود شوائب و رمل نتيجه مختبر البلديه”

  1. ما بقى شي..

    وهالمصري سير زخه من حلجة وصمه بكف قوله بلبله في عينك..

    اشتكي واشتكي واشتكي وعندك الجرايد..

    وانا معاك في اللي اتقوله

    لانهم السبب الرئيسي لجرأة التجار على الغش

    يقول المثل ( من امن العقوبة ، أساء الأدب )

  2. ف البدايه احب اهنيك على روحك والهمه يوم اتجهت للبلديه وماسكتت عن الموضوع..

    غيرك اول حل بيي فباله انه يعق العلبه ف سلة المهملات!!

    وبيسكت عن الموضوع

    وهالتصرف غلط

    وممكن انه يضر ناس غافلين..

    وبالنسبه للبلديه وانهم مايبون يسوون بلابل يمكن لأنه مايبي يخلق جو من الخوف والاثاره عند الناس من المنتجات اللي ف السوق..

    دام انه المنتج را ينسحب..

    بس وجب التبليغ لتحذير الناس اللي خذت هالمنتج الفاسد..

    والسموحه ع الاطاله

    .
    .

  4. من فترة اشتريت كمية كبيرة من الملح من عجمان معبئة بشكل انيق جدا” ومرتب وبعد ما تمت الصفقه ووقعت على العقد اخذت عينه للبيت ولما فتحتها حصلت فيها كميه رمل الاعمى بيشوفها فتخلصت من جميع الكميه التي اشتريها
    انا اخترت هذا المنتج لانه صناعة وطنيه وقلت في نفسي ساعد القريب قبل الغريب؟؟؟

Comments are closed.