السلام عليكم كلكم يا شباب النصابين كثرو هاي الايام فالموقع طبعا شباب الامارات هم الهدف عند النصابين خصوصا الشباب اللي حاطين اعلانات طلب السيارات الالمانيه بذات مثل المرسيدس و البي ام دبليو على سبيل المثال يتصل شخص عربي و يدعي انه اردني و الله اعلم شو جنسيته من المانيا على رقم صاحب الاعلان و يعرض عليه سياره من المانيا و بسعر رخيص و خرافي و يأسلوب النصاب المحترف بيقدر يقنع صاحب الاعلان في بعض الاحيان طبعا بيرسل صور السيارت المطلوبه على ايميل الضحيه و يتصل من كذا رقم علشان يوهو الضحيه ان بياناته و كل ارقمه واضحه و للاسف انا واحد من الضحيه وفي موعد وصول السيار اختفى و حبيت انبه اخواني كلهم و انا بحط اسمه هني علشان اقطع عليه الطريق و علشان الكل يعرفه اذا فكر يعيد هاي الحركه ويا حد منكم يا اخواني و هذا اسمه _ نزار علي صالح البزور ؟ و بالانجليزي مثل ما طرش لي و مسجل عند ويسترن يونيون nizar ali saleh albuzoor ( حسبي الله عليه ونعم الوكيل كل علي فلوسي
205 thoughts on “تحذير لجميع الاعضاء ادخلو كلكم”
Comments are closed.
لا حول ولا قوة إلا بالله العلي العظيم
يطولي بعمرك عنده الحين مايكفيه لسنتين جدام .. ومن ينسحل بيرد وديه ثانيه يدورله حد من غير ..
جد الناس نسته واهملوه .. كم الواحد بيتذكر خاصه الشباب اللي ماعرفو المنتدى ولا سمعو بالنصيحه .. وبيستمر الموضوع
لين ينقصب صاحبنا ولا يلتقع في داهيه ..
مره من بني صخر و مره مني حمييد و مره من بني شاكر الله يخسه الحرامي لا و امسوي عمره بدوي بعد – البدوي نشمي مب حرامي و هذا حرامي
طبعا كل يوم ايميل يديد و عنده وايد ارقام يعني لو انحط ارقامه ما بنستفيد شي لأنه كل يوم يتصل من رقم بس اهم شي ان الاخوان عرفو اسمه بالكامل الحين بس الملعون مثل الاخطبوط بيحاول في منتديات ثانيه لأنه هني خلاص استوى مفضوح الحين
يا اخواني انا صاحب الموضوع اول شي طبعا اشكركم كلكم على تفاعلكم و على مشاعركم الطيبه و لكم مني جزيل الشكر و ثاني شي يا اخواني انا حطيت الموضوع و كان هدفي الاساسي تنبيه جميع الاعضاء لأني متأكد ان هذا النصاب بيعيد محاولت النصب على حد من الاعضاء , وبعد فوات الاوان عرفت انه كان ناصب على غيري قبلي وكان بينصب على واحد من الشباب و كان بيحوله المبلغ ولكن تحزيري كان فالوقت المناسب ( حسبي الله عليه الله لا يوفقه )