تحذير لكل من يتعامل مع الريسفرات المشفرة

37 thoughts on “تحذير لكل من يتعامل مع الريسفرات المشفرة”

1. الرجاء اغلاق الموضوع

2. اذا اردت ان تطاع
   اطلب المستطاع

   لو الشركات اوربت وشوتايم وغيرها طلبوا رسوم اشتراك معقولة
   ما كنت بتلقى سوق فك الشفرات بهذا الرواج

   صحيح فك الشفرات مب قانوني
   بس هل اسعار الاشتراكات منصفة وما فيها اجحاف

   شو الاحسن
   10000 درهم يدفعها رسوم والا يوفرها لمصاريف اسرته وعياله

3. السلام عليكم
   اصلا ولا واحد منا كلنا لم يخالف الملكية الفكرية. كلنا خالفنا حتى صاحب الموضوع و الدليل موجود عندنا كلنا و جدامنا تبون تعرفون شو هو الدليل ببساطة اضعطوا على start و قولوا لي:
   1- كم برنامج نزلتة من النت مع الكراك ماله.(غير قانوني)
   2- كم فيلم نزلتة من النت باستعمال التورنت..(غير قانوني)
   3-كم اغنية نزلتها من النت وليش ما سرت تشتريها اصلية ب50 درهم .(غير قانوني)
   4- اذا كنت تبا تفرمت الكمبيوتر مالك توديه محل الكمبيوتر و ب30 درهم بس يحط لك كل البرامج اللي تباها.(غير قانوني)
   5- كم لعبة بلاستيشن اشتريتها كوبي ب10 دراهم ليش ما تكون قانوني و تشتريها ب 200 درهم!!!!.(غير قانوني)
   6- يوم كانت اعمارنا بين 15 و 16 كنا ندخل السينما و انشوف افلام فوق 18 .(غير قانوني)
   7- كم واحد منا ساق سيارة في الفريج او المناطق القريبة و هو بعده ما وصل ال18.(غير قانوني)
   8- ايام المدارس كم واحد منا غش في امتحان او خذ دفتر ربيعه عشان يحل منه الواجب.(غير قانوني)
   9- كم منا استعمل ساعة او شنطه او اي اكسسوارات ثانية تقليد ليش ما ناخذها اصليه.(غير قانوني)
   10- كم واحد منا سار اشترى رنجات و كتAMG تجاري و ركبه على سيارتة.(غير قانوني)
   11- كم مره زخنا الرادار و كم مره لبسنا حزام الامان و ابسط ابسط شيء ((كم واحد منا يضرب اشارة اذا بيلف يمين والا يسار)).(غير قانوني)

   و الكثير الكثير من القوانين اللي كلنا خالفنا فيها يت الحين على رسيفر ما بنخالف

   ولو تلاحظون ان احنا كلنا ما نتبع القوانيين لان هناك بدائل و بسعر ارخص

   و اتحدى اي واحد منكم يقولي اذا كلامي كله غلط

   و شكرا

4. تسلم اخوي على التنبيه

5. السلام عليكم اخواني ..

   حبيت اصبح عليكم

   صبااااحووووووو باللبناني

   من نظري ان الموضوع يتسكر احسن … لان مثل هذي المواضيع تسبب حزازيات كبيره في المنتدى وبصراحه هذا المنتدى اامن والحمدالله يعم فيه الامن والامان ومب قاصرين شبكات شوشره عليه

   وانا حاظر راح ارد على الموضوع هذا لكن بطريقة منطقيه واكثر من المنطقية

   اولا عندي كم سؤال ومن خلال الاسئلة اللي اسالها دورو وراح تلاقون الجواب ..

   1- اي دولة دخلة هذه الاجهزه ؟
   2- كم عدد الكميه التي تم ادخالها للدولة ؟
   3- بواسطة من تم ادخالها ؟
   4- من اللي روجوها باعتقادكم الهنود ؟
   طبعا ما اتكلم عن ترويج المنتدى لا اقصد من الميناء وطالع …

   اخواني في مليون سؤال لو تعرفو ن الاجابات الصحيحه راح تلاقون الجواب موجود ..

   اخواني بالعكس انا اول واحد مستانس ان هناك اجهزه تنباع لفك شفرات القنوات لان المصخره هذي اللي تسويها ها القنوات اسميها مصخره ومصخره ومصخره .. اخواني اشتراك الاوربت 2000 درهم وفوق سنويا اشتراك الاي ار تي 2000 درهم وفوق سنويا اشتراك الشوتيام 2000 درهم وفوق ..

   يعني انت تدفع سنويا 10.000 الاف درهم سنويا اشتراكات قنوات مشفره ..

   وين الغلط لو نحنا دفعنا 500 درهم وشفنا كل ها القنوات ببلاش ..

   في غلط في الموضوع اذا انت بتتكلم عن لاسرقه والحرام والحلال الله يخليك يليت تسكر هذا الموضوع لان الحمدالله رب العالمين ………. توووت الكل فاهم قصدي

   اخواني انا ما احطي في ذمتي الحمدالله بس يليت يليت يتسكر هذا الموضوع

   انا انسان لا ابيع دشات ولا ابيع رسفرات ولا غيره

   استعمل صح انا استعمل دريم بوكس من اكثر من 3 سنوات الحمدالله ..

   انت اخ عزيز وغالي وما ابغي ادخل معاك باشكايلات او شغلات تافهه مثل هذي …

   خل الشعب يسترزق وخل الشعب يرتاح الرواتب زادوها والاجارات راح تزيد والمواد الغذائية تزيد يبالك الحين عشر اضعاف راتبك عشان تعيش حياتك كواطن اماراتي .. ذا الدخل العالي .

   .

Comments are closed.